Naartuersinneq

Nammineq aalajangigassaava imaluunniit eqqunngitsuliornerua?

INUIT ILAASA ISUMAAT

Aningaasatigut ajor­nar­torsior­neq, aap­pariin­nerlior­neq, ilin­niar­nis­samut sulif­fit­taar­nis­samul­luun­niit kif­faan­ngis­suseqarusun­neq aam­ma kisimiit­tuul­luni perorsaarusun­ngin­neq ar­nat naar­tuersit­tar­neran­nut pis­sutaasar­tut ilagaat. Al­lal­li naar­tuersin­neq eq­qun­ngitsulior­ner­tut, naar­tuler­nermi akisus­saaf­fim­mik tiguserusun­ngin­ner­tut, isigisar­paat.

AKISSUT BIIBILIMEERSOQ

Guutip isaani inuuneq il­ler­nar­tuuvoq. (1 Mosesi 9:6; Tussiaat 36:10) Najoq­qutas­siaq taman­na naalungis­samut il­lis­sap iluani, naar­tup toq­qis­sil­luni inerik­kiar­torfis­saatut Guutip ilusilersugaani, al­liar­tor­tumut atuup­poq. Biibilimik al­lat­toq anaanami iluani katitigaanini eq­qaariarlugu ima nangip­poq: “Ilumiuulerlaajusunga isivit takuaan­nga, timimalu pisataasa arlaan­naal­luun­niit piun­ngik­kal­larmat timima pisatas­sai tamarmik ul­lul­lu taak­kua piulerfis­saat il­lit atuagaatin­ni al­las­simap­put.” – Tussiaat 139:13, 16, NW.

Guutip naar­tumut isigin­nit­taasia inatsisini Israelik­kun­nut tun­nius­saanit nalun­ngeqatigin­nis­sum­mil­lu Guutimit pisatsin­nit ersersin­neqar­poq. Guutip inatsisaani al­las­simavoq inuk ar­namik naar­tusumik saas­sus­sil­luni naar­tuanik toqutsisoq toqumik pil­lar­neqas­sasoq – tas­sa toqutsineq inuunermik akeqar­tas­sasoq. (2 Mosesi 21:22, 23) Soorunami pis­sutiginiak­kat pis­sutsil­lu eq­qar­tuus­sisut nalilersor­tus­saavaat. – 4 Mosesi 35:22-24, 31.

Inuit aam­ma nalun­ngeqatigin­nis­susilerlugit pin­ngor­titaap­put. Ar­naq nalun­ngeqatigin­nis­sutini malil­lugu naar­tumi inuuneranik ataq­qin­nit­toq ilerasuuteqar­neq ajor­poq.a Nalun­ngeqatigin­nis­sutini malin­ngik­kuniuk im­maqa ilerasulis­saaq. (Romamiut 2:14, 15) Aap, misis­suiner­nit paasineqar­poq ar­nat naar­tuersit­tut an­nilaangasaler­nis­saat isumatsaq­qangaaler­nis­saal­luun­niit ilimanaateqar­nerusoq.

Taavami pilersaarutaan­ngitsumik naar­tuler­nermi meeq­qamik perorsaaneq merser­nar­pasip­pat? Guutip ilumoorlutik najoq­qutas­siaminik maleruaasunut neriorsuutaa maluginiaruk: “Un­neq­qaris­sumik ilior­tar­putit un­neq­qaris­sumut, as­suar­naatsumil­lu as­suar­naatsumut.” (Tussiaat 18:26) Al­lami al­las­simavoq: “[Naalak­kap] eq­qor­toq iluaraa im­minul­lu ilumoor­tut im­miniigin­nar­nagit.” – Tussiaat 37:28.

“[Tarningisa] nalunngissusiat nalunaajaasuuvoq, eqqarsaataallu imminnut unnerluutigisarput illersortarlutilluunniit.” – Romamiut 2:15.

Naartuersissimaguimmi?

INUIT ILAASA ISUMAAT

Ruth, anaanaq kisimiit­toq, ima oqar­poq: “Mikisunik pingasunik meeraqarama sisamanik perorsaasin­naan­ngitsutut misigivunga. Naar­tuersereerlungali ajorluin­nar­tumik iliuuseqarsimasutut misigivunga.”b Guutil­li isumak­keerfigisin­naan­ngisaanik iliuuseqar­pa?

AKISSUT BIIBILIMEERSOQ

Guutip isigin­nit­taasia Jiisusip Kristusip ima oqarluni ersersip­paa: “Tikiutin­ngilanga iluar­tut qaaq­qujar­torlugit ajor­tulior­tul­li al­lamik isumataaq­qul­lugit.” (Lukasi 5:32) Aap, ajor­tuliar­put ilumoorluta peq­qis­simis­sutigigutsigu al­lamil­lu isumataarluta Guutimut isumak­keerfigeq­qugut­ta – al­laat ingasat­tumik ajor­tuliorsimagaluarut­ta – kajumil­luni isumak­keerfigis­savaatigut. (Esaja 1:18) Tus­siaat 51:19-imi al­las­simavoq: “Uum­mat peq­qis­simisoq ar­torsaateqangaar­torlu itigar­tit­tarin­ngilat, Guuti.”

Isumak­keerfigin­nin­nerup saniatigut Guutip im­minut maniguul­luni qinusoq isumak­kut eq­qis­sisis­savaa. Filip­pimiut 4:6, 7-imilu ima al­las­simavoq: “[Kis­saatigisasi] qanoq it­tuk­kul­luun­niit Guutimut saq­qum­miut­tarsigit qinul­lusi torlulal­lusilu qujal­lusilu. Taava eq­qis­sinerup Guutimit pisup siuneqas­suser­nit tamanit an­nerungaar­tup uum­matisi eq­qarsaatisilu ser­nigis­savai.”c Ruth Biibilimik atuaq­qis­saar­talerami uum­mam­miunilu Guutimut oqalut­tuarigamigit taamatut qamuuna eq­qis­sivoq. Paasivaa Guuti ‘isumak­keerfigin­nit­tar­toq’. – Tussiaat 130:4.

“[Guutip] iliorfiginngilaatigut ajortuliatta nalissaannik, akilernatalu pinerlunnitta taamaaqataanik.” – Tussiaat 103:10.