Qaqiffiliarsualiortut

UKIORPASSUIT ingerlapput. Noap erneri amerlasuunik qitornartaartarput. Taakkualu qitornaat alliartorput qitornartaartarlutillu. Nunami inuppassuaqalerpoq.

Taakkua ilagaat Noap erngutaqqiutaasa ilaat Nimrodimik atilik. Taanna inuuvoq ajortoq uumasunik inunnillu piniartartoq toqutsisartorlu. Nimrod imminut kunnginngortippoq inuit allat naalakkersulerlugit. Guutip Nimrod nuannarinngilaa.

Taamanikkut inuit tamarmik oqaatsit ataatsit oqaaseraat. Nimrodip inuit tamaasa ataatsimoortikkumavai naalakkersoruminarnerussammata. Qanoq iliortoq nalunngiliuk? Inuit peqquai illorpassuaqarfilioqqullugit qaqiffilialimmik. Assilissami takusinnaavatit qarmasissiortut.

Jehova Guutip sanaartornerat tamanna iluarinngilaa. Kissaatigaami inuit nunarsuarmut tamarmut siammassasut. Inuilli oqarput: ’Qaa! Illoqarfiliorta qaqiffilialiorlutalu portungaarami qilammut apissittumik. Taava tusaamasanngorumaarpugut!’ Inuit ataqqinaatissartik piumavaat, Guutip ataqqinaatissaa piumanagu.

Taava Guutip inuit qaqiffilialiorunnaarsippai. Qanoq iliuuseqartoq nalunngiliuk? Inuit oqaatsinik assigiinngitsunik oqalulersippai. Illuliortut imminnut paasisinnaajunnaarput. Tamanna pillugu illoqarfiliaat ateqalerpoq Babel, isumaqartoq „Paatsiveerunneq“.

Taava inuit Babel qimallugu siammariartulerput. Inuit oqaaseqatigiikkuutaarlutik nutserput.