atit tamarmik alutornarnerpârtât

„ima oĸásautit Israelíkúnut, tássaussoĸ JEHOVA sujuaissaisa Gûtiat, Abrahamip Gûtia, Isakip Gûtia, Jakobip Gûtia, ilingnik táukunúnga autdlartitsissoĸ. tamássa atera nâgssáungitsumik pigissagssara; tamássa taigûtiga kinguârîgsoĸartitdlugo.“ — 2 Môrsase 3:15, NEB.

1. ateĸardlune súkut pingâruteĸarpa, inûp taigûtainit avdlanit avdlaussumik?

TAMAVTA ateĸarpugut. aterput inugtut ilisarnautigârput. inûp nakeríngisame arĸa tusardlugo nuáníngitsumik misigilersaraoĸ, asangâgkavdle arĸa tusardlugo nuánersumik pivdluarnartumigdlo misigilersardlune. inûp ateĸarnerata saniatigut, ardlalingnik taigûteĸásaoĸ inûneranut túngassunut kigdleĸarnerussunut taigûtaussunik. inuk táunaussoĸ ássigĩngitsutigut taigorneĸarsínauvoĸ „professore“, „nâlagaĸ“, „atâta“ ãmalo „âtâ“. taigûtit táukua tamarmik inuata inûneranut túngassunut ássigĩngitsunut ilisarnautáuput. arĸale inuanut tamarmut inûneratalo túngassortainut tamanut, inua pivdlugo ilisimaneĸartunut tamanut, ilisarnautauvoĸ.

2, 3. Gûtimut taigûtit atortagkavta táussumínga isumaĸarfigingningnerput ĸanoĸ súnersínauvât?

² ãma Gûte erĸarsautigalugo tamána ilumôrpa? taigût Gûtimut atortagarput Gûtimik isumaĸarfigingningnivtínut ilâtigut súniuteĸarnerpa?

³ oĸautsit „píngortitsissoĸ“ ãma „ajugaĸángitsoĸ“ Gûtip suliaisa iláinik aulajangersimassunik ilisimatípãtigut. taigût „Nâlagaĸ“ oĸartugssauneranut únersũssissaraoĸ. oĸauseĸ „Gûte“ inuit akimordlugit píssuseĸarneranut píssauneĸarneranutdlo erĸaisitsíssutauvoĸ. bîbilimik franskisũngortitaussunik, sôrdlo Segondip Darbyivdlo nugtigáinik, atuaissut malugísavât Gûtip arĸa avdlángortitauvdlune agdlagsimassartoĸ l’Éternel (nâgssáungitsûssoĸ), táukualo Gûte ímaĸa isumaĸarfigísavât bîbilimik kalâtdlisũngortitaussumik atuaissut isumaĸarfigissãnit avdlaulârtumik, tássanime Gûtip arĸa avdlángortitauvdlune agdlagsimassarmat „Nâlagaĸ“. ugperissarsiornermut túngassunik atuagkiortoĸ isumaĸarpoĸ „Gûtip nangminerissamik arĸa kristumiut gûtisiorneránut gûtisiorneratalo pînik ilisimatusautinut atulersísagaluaruvtigo, tupâtdlangnartumik nutãngortitsissumigdlo kinguneĸarsínaussoĸ“.

4. (a) Gûte pivdlugo oĸautsit ássigĩngitsut atortagkavut ĸanoĸ oĸautigineĸarsínáupat? (b) ateĸ táuna bîbilime ĸanoĸ angnertutigissumik atorneĸarpa?

⁴ Gûtimut taigûtit ássigĩngitsut — Nâlagaĸ, ajugaĸángitsoĸ, píngortitsissoĸ — tamarmik erĸortũput. bîbilime atorneĸartarput. oĸauseĸarpordle táukua ardlãnit akulikínerussumik atorneĸartartumik. tássauvoĸ Gûtip nangminerissamik ARK’A, ativdlo táussuma Gûte pivdlugo ilisimassavtínik tamanik erĸaisítarpâtigut. uvdlumíkut ateĸk táuna taineĸartarpoĸ Jehova imalũnît Jahve, bîbilivdlo agdlagsimarĸârfiane Gûte pivdlugo oĸautsinit avdlanit tamanit akulikínerungârtumik agdlagsimassarpoĸ. bîbilime agdlagsimassunik ujardliutine Comprehensive Concordance of the New World Translation of the Holy Scriptures-ime ĸúpernerne ingmíkôrtut ámut atassut 43-t bîbilime „Gûte“ imalũnît „Gûtip“ pinere tamaisa imarait. ĸúpernernile ingmíkôrtut ámut atassut 77-it „Jehova“ imalũnît „Jehovap“ pinere tamaisa imarait.

5. (a) Môrsasip agdlagaisa áipáine 3:15-ime Gûtip arĸa pivdlugo ĸanoĸ oĸalugtũneĸarpugut? (b) taissineĸ „Jehova“ ĸanoĸ oĸautigineĸarsínauva?

⁵ inũngitsoĸ atermik tamatumínga ĸinersivoĸ. bîbilime agdlagsimavoĸ Gûtip ĸinerâ, oĸartordlo atorneĸartariaĸartoĸ. oĸarpoĸ: „ima oĸásautit Israelíkúnut, tássaussoĸ JEHOVA sujuaissaisa Gûtiat, Abrahamip Gûtia, Isakip Gûtia, Jakobip Gûtia, ilingnik táukunúnga autdlartitsissoĸ. tamássa atera nâgssáungitsumik pigissagssara; tamássa taigûtiga kinguârîgsoĸartitdlugo.“ (2 Môrsase 3:15, NEB) suna pivdlugo bîbilime tássane nutaunerussumik nugtigaussume angnertûmik tatigissaussume, The New English Bible-ime, ateĸ Jehova atorneĸartarpa? tássaugame Gûtip arĸata tainera takornartáungínerussoĸ angnertûmigdlo atortartoĸ, agdlagkane eprîarisûne agdlagsimarĸârfiussune tûsinteriardlune pissartoĸ.

6. Gûtip arĸanik atuineĸ sumut avdlamut iluaĸutauva?

⁶ bîbilime Gûte atermigut erĸartorneĸarmat, píssaunilĩnáungitsutut kisiáne kináussusiligtut erĸarsautigísavdlugo ikiorneĸartarpugut. táussumúnga ĸaningnerulernigssavtínut iluaĸutigssîvoĸ. inugpagssuit Gûte ungasigsorât. apustilile Paulus oĸarpoĸ „nauk tamavtínit ungasíngíkaluaĸissoĸ“. — apustilit suliait 17:27.

atermut ivdlit periarnerit

7, 8. ateĸ Jehova tusarângagko, ivdlit ĸanoĸ periartarpit? suna pivdlugo?

⁷ ateĸ taúna bîbilime Gûte pivdlugo atorneĸartartoĸ tusarângagko ĸanoĸ periartarpit? nuáníngitsumik erĸarsautigssîssarpa, imalũnît nuánersunik, pivdluarnartunik, erĸarsautigssîssardlune? ajoĸersorneĸarpit Gûte oĸartoĸ ateĸ táuna erĸaineĸautigssarigamiuk tusarângagko nuáníngitsumik periauseĸartásassutit? imalũnît ĸamûna pingârtitsinermik misigisítarpâtit, sôrdlo bîbile nâpertordlugo kivdlîssugssaugaluartoĸ?

⁸ ateĸ Jehova tusartarângavtigo ĸilangmik nunamigdlo píngortitsissoĸ erĸarsautigilersásavarput. agdlagkat eprîarisût agdlagsimarĸârfiussut nâpertordlugit, bîbilime agdlagsimavoĸ: „Jehova Gûtip [Jehova Elohim] nuna ĸilagdlo píngortípai.“ nangitdlunilo agdlagsimavoĸ: „Jehovavdlo Gûtip inuk ivssumit nunap ilânit sanavâ suvdluardlugulo sordluisigut anersârnermik ûmássutaussumik, inugdlo tarníngorpoĸ ûmassoĸ.“ (1 Môrsase 2:4, 7, NW) taimaingmat, táuna inũssutigârput. táuna píngortitsingmat ivdlit inûsínãngorputit. Gûtip arĸa taineĸarângat periarnigkut tamána kivdlíssutigaiuk?

9. atip táussuma sumik avdlamik erĸaisísavâtigut?

⁹ píngortitsissuínaunane ãmátaoĸ sujunertaĸartûvoĸ. ateĸ Jehova isumaĸarsorineĸarpoĸ „píngortitsissarpoĸ“. sunalũnît pissariaĸartoĸ nangmineĸ taimatut píngortarpoĸ, sujunertarissame neriorssûtigissamilo píngitsôratik nãmagsineĸarnigssãnut.

10. Môrsasip agdlagaisa áipait 6:3 ĸanoĸ isumaĸarpa?

¹⁰ Jehovap Moses oĸarfigâ: „sarĸúmersarpungalo Aaperâmut Iisâmutdlo Jãkumutdlo Gûtisut ajugaĸángitsutut, unale atera: [Jehova], táukunúnga ilisarnarsíssutigíngilara.“ (2 Môrsase 6:3) tamána ima pâsissariaĸarpa Abrahamip, Isakip Jakobivdlo ateĸ táuna tusarsimángisáinarât? nâgga, taima isumaĸarsínáungilaĸ, Jehovavme Moses sujusingnerussúkut oĸalugtũpâ angutit pingasut táukua Gûtigingmáne. (2 Môrsase 3:15) ãmátaoĸ, sôrdlo ilángutagssiame matuma sujulianĩtume „ateĸ atortariaĸarparput?“-me (ĸúperneĸ 4) takutíneĸartoĸ, kivfat ilumôrtut táukua ateĸ táuna atortuáinarpât. aterdle nutâmik sarĸúmersíneĸalerpoĸ. ivkua sule nalussât unauvoĸ: atip táussuma sule angnertunerussumik pingâruteĸalerumârnera, inuiait takorêrpássuk Jehova ĸanoĸ angnertutigissumik iliûseĸarumârtoĸ neriorssûtime erĸûtitíneĸarnigssãnut sujunertarissamilo nãmagsineĸarnigssãnut.

11. Israelíkut ĸanoĸ Jehova ilisarinerulerpât sujuaissaisa Jehovamik isumatunerussumik ilisarssineráníngãngît?

¹¹ sujunertarissai sût? perdluit ĸulit ersinartut erininángitsúkut Israelíkut najuissûvdlutik ilisimalísavait. tamáko perêrmata, Ímákut Augpalârtúkut isigkatik masagtínagit ingerdlatíneĸásáput. Sinajip ĸáĸâne atarĸinangârtumik pisimassoĸartitdlugo inatsisinik tusardlerneĸásáput. ’puilassuitsúkut angisũkut sujôranartúkut’ angalanermingne sernigssorneĸásáput nunamutdlo neriorssûtigissaussumut isâtíneĸásavdlutik. — 5 Môrsase 1:19; 2 Môrsase 6:7, 8; 14:21-25; 19:16-19.

asangnigtumik suliai

12, 13. Jehovap asangnigtumik suliai pivdlugit bîbilime oĸalugtuarineĸartut ilait táikit.

¹² bîbilip oĸalugtuaisa tamarmik katitdlutik píngortitsissoĸ navsuiarpât. ilumôrtuássusia, agssuarnáissusia nâpertuivdluarneralo oĸalugtuarineĸarput. bîbilime agdlagsimavoĸ: „ajúngitsûvoĸ ilumôrtûvdlunilo Jehova.“ „ata ajúngíssusia angingârmat!“ „ĸaersûvoĸ; piliai agssuarnáiput, mássa avĸutigissai tamarmik ínardluíssutáuput; Gûtiuvoĸ ilumôrtoĸ iluáissuseĸángitsoĸ, iluartûvoĸ perĸusersuitdlunilo.“ — tugsiaut 25:8, NW; Saggaria 9:17, NW; 5 Môrsase 32:4.

¹³ bîbilime Jehova ilisaritíneĸarpoĸ kúngitut (Tussiaat 10:16; Dâniale 4:34), erĸartũssissutut (Tussiaat 50:6; 98:9), atâtatut (Isaia 64:7; Matîuse 6:6-9), uviussutut (Isaia 54:5; Jerimia 3:14, NW), ajoĸersuissutut (Tussiaat 71:17; Isaia 50:4; 54:13) ikiortitutdlo (Tussiaat 30:3; 115:9-13; 121:2). arĸata taineĸarnerata erĸaisításavâtigut asangnigtumik suliainik, erĸortumik najorĸutagssiorsimaneranik ĸitornamilo nunamiussut nâlangnigssãnik túniutdluínarnigssãnigdlo piumavfigissugssaugai. bîbilime agdlagsimavoĸ: „erĸartũssutit nãmagsisimassane Jehovap ilisarnarsíssutigai.“ „Jehovap asassine tamaisa sernigssorpai, iluaitsutdle tamaisa nungutísavai.“ — tugsiaut 9:16; 145:20, NW.

14. (a) tugsiausiortut tugsiautinigdlo erinarssortartut Jehovamik tunâringningnertik ĸanoĸ erssersípât? (b) ússatitigut Jehova ĸanoĸ ilisaritíneĸarpa?

¹⁴ bîbilime tugsiautine tamane ateĸ táuna 749-riardlune pissarpoĸ. tugsiautit, tássa únersiutit, Jerusalemime nâlagfingme patdlorfigingnigkiartortut tipaitsugtut erinarssûtigissarpait „Jehovap arĸanik nersornartitsissar“dlutik. (tugsiaut 122:1-4, NW) tugsiausiortut tugsiautinigdlo erinarssortartut Jehovap arĸa nalúngilât (Tussiaat 9:11), arĸa tunârât (33:21), arĸa tordlorfigissarpât (80:19; 105:1), arĸa ivdlernartoĸ ĸujássutigât (Tussiaat 106:47), arĸanit ikiorneĸarput (124:8) arĸalo únersiutigiuáinardlugo (68:5; 135:3). arĸa torĸugaunane asaneĸangârpoĸ. (Tussiaat 89:1; 92:1-5) asangnigtumik suliat tugsiautine erĸartorneĸartut únersiutigineĸautigissane Jehovap nãmagsĩnángilai, ãmátaordle ilisimássut ússatine agdlauserineĸartoĸ súnîvdlune isumagssarsiaritípâ. tássane agdlagsimavoĸ: „[Jehovap] túniútarmago ilisimássut; táussuma ĸarnanit pissarput ilisarssíssut sujuneĸarnerdlo.“ (ússatit 2:6) bîbilime nugtigkame ivdlit atortagkangne agdlagsimavfingne tássane agdlagsimassarpat „Nâlagaĸ“, ĸularísángilat agdlagsimarĸârfiane eprîarisûme, Gûtip arĸa atorneĸartartoĸ.

15. (a) nagdliúsimassunut misingnangârtunut sunut Jehovap arĸa erĸainásava? (b) Dâniale 2:20, 21 ãma 4:17 nâpertordlugit, Jehovap arĸa pivdluarĸúsavdlugo sumik píssutigssaĸarpugut?

¹⁵ arĸata erĸaisísavâtigut inuiait oĸalugtuarissauneránik, sujuligtûtinik, inatsisinik ilisimássúmigdlo bîbilime erĸartorneĸartûssunik. erĸaisísavâtigut sujuligtûtinik tupingnartunik silamiut ingerdlausiáne pingârnerussutigut pisimassunik erĸordluínartumik sujuligtûtaussunik. silamiut ingerdlausiáne pisimassut Jehovap nagdliutítarpai imatut ilusilerdlugit pingârnertigut sujuligtûtime Ægyptenime, Assyriame, Babyloniame, Medo-Persiame, Grækenlandime Romamilo, agdlâtdlo ukiune untritilingne pâtsivêruvfiussune uvagut atugkavtíne erĸũsimanigssãnut, nâpertũtumik avdlatdlo sujunigssame erĸũkumârput. — Dâniale, kapitalit 2, 7, 8.a

Jesus atâtavdlo arĸa

16. (a) suna pivdlugo Jesusip nuname kivfartũssinerata atâtânik, Jehova Gûtimik, sule angnerussumik pingârtitsilersísavâtigut? (b) ingangmik sutigut Jesusip atâtame arĸa nalunarungnaersípâ?

¹⁶ Gûtip arĸata Jehovap ũmatíkut nuánâjatdlangnássusia avdlamigtaoĸ píssuteĸarpoĸ — „ernituane“, „oĸauseĸ“, táuna Jesus Kristusíngortoĸ, tupingnartuliorníkut nunamut autdlartíkamiuk. (Eprîarit 1:6; Juánase 1:1-3; Rûmamiut 5:6-8) atâtaminut ĸilangmiussumut ĸinuvdlune, Jesus oĸarpoĸ: „inuit uvavnut túniússatit silamiunit ĸinigkatit aternik nalujungnaersípáka; . . . arĸitdlo táukunúnga nalunaerpara nalunaerĸigkumârdlugulo.“ (Juánase 17:6, 26) imáingilaĸ maligtaisa Gûtip arĸa nalugât. agssáinarmik agdlagkane imussane agdlagkanik eprîarisûnik imalingne ãmátaoĸ bîbilime grîkerisũngortitaussume atortagkamingne ateĸ táuna atuartarpât. Jesusivdle ajoĸersuineratigut Gûtip arĸa isumatusisimavoĸ — sôrdlorpiaĸ Mosesip uvdluine Jehovap suliaisigut isumatusisimassoĸ. Jehovamik, táussuma píssusînik sujunertarissainigdlo ilisimassavut pingârtitsinerputdlo Jesusip tupingnangârtumik ilavai. Jesus avĸutigalugo uvagut Jehovap arĸa itinerungârtumik pâsivarput, táuna oĸarmat: „ajoĸersûtiga uvanga pigíngilara, autdlartitsissimale pigâ.“ Jesusip utertitsíssutigssaĸ akiliutigâ tássûnalo atâtamut avĸutigssiûtdluta. taimáitumik Jesus oĸarsínausimavoĸ: „uvanga avĸutauvunga sagdlusuíssutauvdlungalo inũssutauvdlungalo; avdlákut atâtamut pissoĸarsínáungilaĸ, uvavkut kisiáne.“ — Juánase 7:16; 14:6.

17. Gûtip arĸata ĸilangme ĸanoĸ atorneĸarnigssâ sarĸúmersitane sujuligtûtigineĸarpa?

¹⁷ bîbilip atuagartaisa kingugdlersãne, sarĸúmersitane, uvagut nalivtíne pisimassunik Johannesip takussaisa agdlautigineĸarfiáne, Jehovap arĸa únersiutigineĸartuarpoĸ. Babylon angisôĸ, tássa erĸúngitsumik ugperissarsiornerup silarssuarme tamarme nâlagauvfigssua, sûjungnaersíneĸarmat, ĸavsêrparujugssuit ĸilangmĩtut ĸĩmagtardlutik nivdlerput oĸardlutik: „alîlûjâ, ánáussut nâlangnautdlo píssaunerdlo Gûtivta pigai.“ „utorĸauneritdlo mardlungnik ĸuligdlit sisamatdlo [24-t] ûmassutdlo sisamat patdlorput Gûte igsiavíssârssuarme igsiassoĸ patdlorfigalugo oĸardlutigdlo: ãmen, alîlûjâ.“ (sarĸúmersitat 19:1, 4) „alîjûjâ“ ĸanoĸ isumaĸarpa? ĸúperneĸ 4-me takorêrsimavarput „Jah“ „Jehova“mit nailisagaussoĸ taigdliane atortagaĸ. The Random House Dictionary of the English Language-ime agdlagsimavoĸ „alîlûjâ“ eprîarisûssoĸ isumaĸartoĸ „Jehova únersiutigisiuk“. taimaingmat, ĸilangme Gûte patdlorfigineĸarpoĸ suaorutigineĸarneragut: „Jehova únersiutigisiuk!“

suliai nagdlerneĸarsimángitsut

18. ’atine píssutigalugo’ Jehovap nãmagsisimassai ilisimaguvtigik arĸa pingârtínerulersínáusavarput?

¹⁸ Gûtip arĸa atorneĸartariaĸarpoĸ. atorneĸarnerata erĸaisísavâtigut suliainik asangnigtumigdlo ajúngisârneranik. bîbilip oĸalugtũpâtigut tupingnangârtumik suliaĸartoĸ „pissutigalugu aqqi, pissarsuussutsini takutikkumallugu“. (Tussiaat 106:8) suliat tupingnangârtut ’atine píssutigalugo’ nãmagsisimassai nangminigssarsiornermit nãmagsíngilai, pâsitíkumavdlutale Gûtiuvdlune, uvavtínut oĸartugssauvdlune, neriorssûtaisalo nãmagsineĸarumârnigssãnut tatigingnigdluínarsínaussugut. (1 Sâmuale 12:22) taimáitumik oĸarpoĸ: „sujornanitsat erĸaisigik isuanit pisimassut, uvanga Gûtiussunga, avdlamigdlo nâme, Gûtiussunga, uvavtutdlo ítoĸángitsoĸ; píngorĸârneránit nalunaersaríka kingorna piumârtugssat, sujornagut nalunaerdlugit sule píngitsut; oĸartungalo: pilerssârutiga aulajáipoĸ, iluarissáka tamaisa nãmagsissarpáka. . . . oĸautigigavko nagdliutísavara, isumaliûtigigavko nãmagsísavara.“ — Isaia 46:9-11.

19. Gûtip oĸausiata únerĸaríssusia pivdlugo Josua ĸanoĸ ĸularungnaersitsissumik oĸauseĸarpa?

¹⁹ ukiut untritiligpagssuit tamatuma sujornagut Josuap Israelíkut erĸaisísimavai: „ũmativsigutdle ilũngardluse tarnivsigutdlo ilũngardluse ilisimásause, oĸautsimik atautsimigdlũnît atúngitsoĸángitsoĸ oĸautsit ajúngitsut tamarmik ilãnik, [Jehovap] Gûtivse ilivsínut oĸauserissaisa; tamarmik ilivsínut erĸũput; ilãnik oĸautsimik atautsimigdlũnît atúngitsoĸángilaĸ.“ — Jôrsua 23:14.

20. atip Jehovap ivdlit sunik erĸaisítarpâtit?

²⁰ Jehovamik pâsingningningnut tamáko tamaisa ilautítarpigit? arĸa tusarângagko erĸailersarpigit suliai, píssaunera, ajugaĸángitsûnera, tatiginarnera neriorssûtaisalo ilumũssusiat? arĸa isumaĸartítarpiuk táuna kisime ilumut Gûtiussoĸ ingminik pivdlune peĸalersitsisínaussoĸ sumigdlũnît sujunertarissame nãmagsineĸarnigssãnut pissariaĸartumik? erĸarsautigissarpiuk Jehovap Jesusimik nunamut autdlartitsinera Gûtip arĸa nâlangnarsisíkiartorĸuvdlugo, inuit atâtaminik ajoĸersoriartorĸuvdlugit utertitsíssutigssardlo akiliutigiartorĸuvdlugo ilagsingnigkumassut tamarmik iluaĸutigssãnut? Jehovamigdlo asangningnerpit ilagâ nuname minguiagaussume sujunigssamik nâpertuivdluartûssumik neriorssûtainik pingârtitsinerit? — 2 Pîtruse 3:13.

21. uvagut kúngitut iluartutut Daviditut ĸanoĸ isumaĸarsínauvugut?

²¹ sulianik Jehovap nãmagsisimassainik ilisimassaĸarneĸ ugpertúngortitsissarpoĸ. ugpertûnerup suliaĸalersítarpâtigut. arĸa atortarparput, suliai oĸalûserissardlugit, táussumúnga pitseriartumik kivfarititdluta, sujunertarissâtalo nuáningârtup erĸûtíngitsôrsínáungitsuvdlo, nunarssuaĸ ajússusêrutíkumârâ inuiaitdlo nâlagtut akornánut píssutsit nutât nâpertuivdluartutdlo atûtilersíkumârdlugit, tamatumalo erĸũnigssâ ĸilanâralugo. taimatut ugperssuseĸardluta, ugpernerputdlo maligdlugo iliûseĸardluta, kúngitut iluartutut Daviditut oĸarsínauvugut: „Qanerma erinalersuutigissavaa [Jehovap] nersorneqaatissaa, uinillit tamarmik aqqa illernartoq unnersiutigissavaat naassaanngitsumut tamatigullu.“ — Tussiaat 145:21. (wD 1/4 84)

[Quppernerup ataani ilanngussaq]

aperĸutit uterĸitagssat:

□ ateĸ sumik pingâruteĸarpa, inûp taigûtainit avdlaussumik?

□ Jehovap arĸata sumik erĸaisísavâtigut?

□ Jesusip ajoĸersûtaisa atermik Jehovamik ĸanoĸ pingârtitsinerulersípâtigut?

□ suliat Jehovap ’atine píssutigalugo’ nãmagsissai ĸanoĸ uvavtínut iluaĸutáupât?

[Qupp. 12-mi assiliartaq]

Gûtip Israelíkut Ímákut Augpalârtúkut ingerdlatitdlugit ánáupai. pisimassoĸ tamána arĸanik ilisarssinerunigssãnut súkut píssutauva?arĸa naluguvtigo inuk takornartatut issigiuásavarput. Gûtip perĸugamisigut atine atorĸuvdlugo, ikíngutíngorumássusianut erssiutauvoĸ