Ajunngitsuuneq – Qanoq ineriar­tortis­sin­naaviuk?

TAMAT­TA inut­tut ajun­ngitsutut isigineqarusup­pugut. Nalitsin­nili ajun­ngitsuunis­saq unam­miniar­narsin­naavoq. Inup­pas­suit ‘ajun­ngitsunut akeraap­put’. (2 Tim 3:3) Nam­min­neq suut ajun­ngitsuuneran­nik suul­lu ajor­tuuneran­nik najoq­qutas­sior­nermik­kut ‘ajor­tumik ajun­ngin­neraap­put ajun­ngitsumil­lu ajor­neraal­lutik’. (Es 5:20) Aam­ma pisimasut naam­mal­luin­nan­ngis­suserlu pis­sutigalugit ajun­ngitsuunis­saq saper­narsin­naavoq. Im­maqa An­nepa misigineratut misigivugut. Taan­na ukior­pas­suar­ni Jehovamut kif­far­toraluarluni ima oqar­poq: “Inut­tut ajun­ngitsuusin­naanera up­periuminaatsip­para.”

Qujanar­tumik tamat­ta ajun­ngitsuuneq ineriar­tor­tis­sin­naavar­put. Ajun­ngitsuuneq Guutip anersaavata inerititaraa, anersaavalu ajor­nar­torsiutitsin­nit tamanit sun­niisin­naanerungaar­poq. Ajun­ngitsuuneq itinerusumik sam­meriar­tigu qanorlu ersersin­nerusin­naanerlugu ilin­niarlugu.

AJUNNGITSUUNEQ QANOQ PAASISARIAQARPA?

Ajun­ngitsuuneq pis­susiuvoq pitsaal­luin­nar­toq. Ileq­qoris­suuneruvoq ileq­qus­satigut minguitsoq. Inuk ajun­ngitsoq ikiueriaan­naal­luni al­lanut ajun­ngitsulior­nis­samut periarfis­sarsior­tar­poq.

Ilaqut­tamin­nut ikin­ngutimin­nul­lu ajun­ngitsulior­tar­tunik nalun­ngisaqarunar­putit, ajun­ngitsuunerli ilumoor­toq tas­sunga kil­leqar­tus­saan­ngilaq. Soorunami tamatigut ajun­ngitsuul­luin­narsin­naan­ngilagut, Biibilimimi al­las­simavoq: “Nunami ima iluas­suseqar­tigisumik inoqan­ngilaq ajun­ngitsuliuin­navil­luni ajor­tuliun­ngisaan­narlunilu inuusumik.” (Oqal 7:20) Apustili Paulusi un­neq­qaril­luni al­lap­poq: “Nalun­ngilara uan­ni, tas­sa uinin­ni, ajun­ngitsoqan­ngitsoq.” (Rom 7:18) Taamaat­tumik ajun­ngitsuuneq ineriar­tor­tik­kumal­lugu Jehovamit, ajun­ngis­sutsip pilerfianit, ilin­niar­tin­neqar­tariaqar­tugut erseq­qip­poq.

‘JEHOVA AJUNNGITSUUVOQ’

Jehova Guuti suut ajun­ngitsuuneran­nik najoq­qutas­sior­tuuvoq. Taan­na pil­lugu Biibilimi al­las­simavoq: “Ajun­ngitsuuvutit ajun­ngitsulior­tarlutil­lu, inatsisin­nik ajoqersun­nga!” (Tuss 119:68) Jehovap ajun­ngis­susianut tun­ngasut marluk versimi eq­qaaneqar­tut misis­soriar­tigit.

Jehova ajunngitsuuvoq. Jehovap ajun­ngis­susia pis­susiini tamani erser­poq. Mosesi ima oqarfigim­magu qanoq pisoqar­toq eq­qarsaatigiuk: “Alutor­nas­susera [Ajun­ngis­susera, tastamantitoĸaĸ] tamaat kiin­navit saagut sarsutitis­savara.” Jehovap alutor­nas­susia, ajun­ngis­susia ilan­ngul­lugu, sarsum­mat Mosesip oqaatsit uku tusar­pai: “Naalagaq, Naalagaq tas­sa Guuti nal­lit­tuisoq saam­maasorlu, kamajaatsoq ilumoor­nermik sal­lusuis­sum­mil­lu peqangaar­toq. Ilumoor­nermik atatitsisoq kinguaariis­soqatigiin­ni tuusintini ataatsini pisuus­suser­nik unioq­qutitsiner­nil­lu, ajor­tulianil­lu isumak­kiisoq, kisian­ni pisuusumik pil­laan­ngitsoor­neq ajor­toq.” (2 Mos 33:19; 34:6, 7) Tas­sa ersarip­poq Jehova sutigut tamatigut ajun­ngil­luin­nar­toq. Jiisusi inut­tut ajun­ngil­luin­nar­tuugaluarluni ima oqar­poq: “Al­lamik ajun­ngitsoqan­ngilaq, ataaseq kisimi, tas­sa Guuti.” – Luk 18:19.

Jehovap suliai tamar­mik ajun­ngit­suup­put. “Tamanut ajun­ngisaar­tar­poq Naalagaq, pin­ngor­titaminut tamanut naak­kin­nit­tuuvoq.” (Tuss 145:9) Kinaas­susersior­tuun­ngin­nami Jehovap inuit tamaasa inuunermik inuugin­nar­nis­samul­lu pisariaqar­titaan­nik tunivai. (ApS 14:17) Uagutsin­nik isumak­keerfigin­nit­tar­nera aam­ma ajun­ngis­susianut up­per­narsaataavoq. Tus­siaasior­toq ima al­lap­poq: “Naalagaq, il­lim­mi ajun­ngitsuuvutit isumak­keerfigin­nik­kumasarlutil­lu.” (Tuss 86:5) Jehovap ‘as­suar­naal­lutik inuusut sumik ajun­ngitsumik erliguun­navian­ngik­kai’ qularutis­saan­ngilaq. – Tuss 84:12.

AJUNNGITSULIORNEQ ILINNIARUK

Guuti as­silil­lugu pin­ngor­tin­neqarat­ta ajun­ngitsuusin­naal­lutalu ajun­ngitsuliorsin­naavugut. (1 Mos 1:27) Biibilimili al­las­simavoq ilin­niagas­saasoq. (Es 1:17) Qanorli ilin­niarsin­naavar­put? Siun­nersuutit pingasut eq­qarsaatigik­kit.

Siul­ler­tut, aner­saaq il­ler­nar­toq qin­nutigisin­naavar­put. Taamaalil­luta ajun­ngis­suseq ilumoor­toq ineriar­tor­tis­sin­naavar­put. (Gal 5:22) Aap, Guutip anersaava iluaqutigalugu ajun­ngitsup nuan­narinis­saa ajor­tul­lu akuerin­ngin­nis­saa ilin­niarsin­naavar­put. (Rom 12:9) Biibilimi al­las­simavoq Jehovap ‘nakus­satsis­sin­naagaatigut suliavut oqaatsivul­lu tamaasa ajun­ngitsooq­qul­lugit’. – 2 Th 2:16, 17.

Aap­paat­tut, Guutip oqaasia isumas­sar­siarititaasoq atuar­tariaqar­par­put. Atuar­nitsin­ni Jehovap “aq­qutit ajun­ngitsut tamaasa” uagutsin­nut paasitis­sin­naavai ‘ajun­ngitsulior­ner­nul­lu tamanut pigin­naan­ngorsarluta’. (Uss 2:9; 2 Tim 3:17) Atuak­katsin­nik eq­qarsaatigin­neq­qis­saar­nik­kut Guuti taas­sumalu piumasaa pil­lugu uum­mater­put ajun­ngitsunik im­mersor­tar­par­put. Taamaalil­luta kingusin­nerusuk­kut iluaqutigisas­satsin­nik uum­matit­ta toq­qorsivianut ik­kus­suis­saagut. – Luk 6:45; Ef 5:9.

Pingajuat­tut, sapin­ngisatsin­nik ‘ajun­ngit­soq malin­niar­tariaqar­par­put’. (3 Joh 11) Maligas­siuil­luar­tut ilaarsin­naasavut Biibilimi al­laatigineqar­put. Soorunami Jehova Jiisusilu maligas­siuil­luar­ner­paajup­put, aam­mali al­lat ajun­ngitsutut ilisimaneqar­put. Taak­kua ilagaat Tabitha Bar­nabalu. (ApS 9:36; 11:22-24) Al­lanik ikiuisar­nerat misis­soruk­ku pis­sarsiaqarluas­saatit. Ilaqut­tan­nik up­peqatin­nil­luun­niit qanoq ikiuisin­naanerlutit eq­qarsaatigiuk. Aam­ma Tabitha Bar­nabalu ajun­ngitsulior­tar­ner­tik qanoq iluaqutigineraat maluginiaruk. Il­lit­taaq ajun­ngitsulior­tar­nerit iluaqutigiumaar­pat.

Aam­ma nalitsin­ni maligas­siuisut eq­qarsaatigisin­naavavut. As­sersuutigalugu utoq­qaaner­tat eqiasuitsut ‘ajun­ngitsumik pingaar­titsisut’ eq­qarsaatigik­kit. Qatan­ngutil­lu ar­nat aalajaatsut oqaatsimigut iliuutsik­kul­lu ‘ajun­ngitsulior­nermik ajoqersuus­sisuusut’ puioqinagit. (Tit 1:8; 2:3) Qatan­ngut ar­naq Roslynimik atilik ima oqar­poq: “Ilagiin­niit­tut ikior­niarlugil­lu qiim­mas­sar­niarlugit ikin­ngutiga iliuuseqangaar­tar­poq. Pis­sutsit atugaat eq­qarsaatigalugit tunis­sutin­nguanik tunisar­pai as­sigiin­ngitsutigul­luun­niit ikiorlugit. Isum­man­ni taan­na ilumut ajun­ngitsuuvoq.”

Jehovap kif­fani ‘ajun­ngitsoq ujaq­qul­lugu’ kajumis­saar­pai. (Am 5:14) Taamaaliorut­ta taas­suma najoq­qutas­siai nuan­naringaalerlugil­lu ajun­ngit­sulior­nis­samut piumas­suseqar­nerulis­saagut.

Ajun­ngitsuliorumal­luta al­lat maluginiar­nangaar­tumik iliorfigisariaqan­ngilavut akisuunil­luun­niit tunis­suteqarluta. As­sersuusioriar­ta: Eq­qumiitsulior­toq inuup as­singanik qalipaajumal­luni ataasiaan­narani marloriaan­naraniluun­niit, arlaleriarlunili, qalipaatilersuis­saaq. Taamatut­taaq an­nikik­kaluamik qas­seeriarluta iliuuseqar­tar­nitsin­nit ajun­ngitsuuner­put takuneqarsin­naas­saaq.

Biibilimi kajumis­saar­neqar­pugut ‘ajun­ngitsulior­ner­nut sunul­luun­niit piareer­simas­sasugut’. (Tit 3:1) Tul­lit­ta atugaat eq­qumaf­figigutsigit taak­kua ‘iluaqutis­saan­nik ineriar­tor­nis­saan­nil­lu’ ikiuinis­samut periarfis­sarsiorsin­naavugut. (Rom 15:2) Tun­nius­saqar­nik­kut taamaaliorsin­naavugut. (Uss 3:27) As­sersuutigalugu pisariun­ngitsumik nerisas­siorluta neriar­toq­qusisin­naavugut ineriar­tor­nar­tumil­luun­niit nuan­nisaaqatigiin­nis­samut qaaq­qusil­luta. Nap­parsimasoq al­laf­figisin­naavar­put, pulaarsin­naavar­put sianerfigaluguluun­niit. Aap, ‘oqaatsinik ajun­ngitsuin­nar­nik ineriar­tor­nis­samut pisariaqar­tunik aniatitaqar­nis­samut’ periarfis­sar­pas­suavut eq­qumaf­figisin­naavavut “tamak­ku tusar­tunut pil­luaatis­saaq­qul­lugit”. – Ef 4:29.

Jehova ilaarlugu kik­kun­nut tamanut ajun­ngitsuliorusup­pugut. Taamaat­tumik kinaas­susersiorata Naalagaaf­fik pil­lugu nutaarsias­samik nuan­nersumik oqaluus­sisar­pugut. Jiisusimit peq­quneqar­nitsitut al­laat uatsin­nik uumis­suisunut ajun­ngitsulior­niar­tar­pugut. (Luk 6:27) Inus­siar­nisaar­neq ajun­ngitsulior­nerlu tamatigut eq­qor­tulior­nerup­put, tamak­kumi “inatsisini iner­teq­qutaan­ngil­lat”. (Gal 5:22, 23) Ajor­tumik pineqar­nitsin­ni misilin­neqar­nitsin­nilu ajun­ngitsulior­tarut­ta Guuti ataq­qinar­til­lugu im­maqa al­lat sal­lusuis­sum­mut kajungilersis­sin­naavavut. – 1 Petr 3:16, 17.

AJUNNGITSUUNERUP AKISSARSIASSARTAA

‘Angutip ajun­ngitsup piliarisani akis­sarsis­sutigis­savaa.’ (Uss 14:14) Akis­sarsias­sat ilaat suup­pat? Al­lat ajun­ngitsuliorfigigutsigit taak­kunan­nga ajun­ngitsuliorfigineqar­nis­sar­put ilimanar­nerus­saaq. (Uss 14:22) Taamatut pisoqan­ngik­kaluar­pal­luun­niit ajun­ngitsuliorfigiuas­savavut. Im­maqa taava al­lamik isigin­nit­taaseqalis­sap­put ajun­ngin­nerusumil­lu pisarluta. – Rom 12:20.

Inup­pas­suit ajun­ngitsulior­nerup ajor­tumil­lu iliun­ngin­nerup iluaqutaanerat nam­min­neq misiginikuuaat. As­sersuutigalugu Nancy ima oqalut­tuar­poq: “Peroriar­tor­nin­ni soqutigit­taatsuuvunga, inuunerlup­punga in­nimiitsuul­lungalu. Ajun­ngitsuunermul­li tun­ngatil­lugu Guutip najoq­qutas­siai ilin­niarlugil­lu malerualerak­kit nuan­naangaaler­punga. Maan­nak­kut im­minut ataq­qivunga.”

Ajun­ngitsuunermik ineriar­tor­titsinermut pis­sutaasoq pingaar­ner­paaq tas­saavoq taamaalior­nik­kut Jehova nuan­naar­tit­taratsigu. Al­lat iliuutsivut maluginian­ngik­kaluar­patigil­luun­niit Jehovap maluginiar­tar­pai. Iliuutsivut eq­qarsaativul­lu ajun­ngitsut arajutsineq ajor­pai. (Ef 6:7, 8) Qanoq kinguneqar­tumik? “Inuk ajun­ngitsoq Naalak­kamut iluarinarsisar­poq.” (Uss 12:2) Taamaat­tumik ajun­ngitsuunerup ineriar­tor­tin­nis­saa sulis­sutigiuar­tigu. Jehova neriorsuivoq ‘ajun­ngitsulior­tup kialuun­niit naalan­naat ataq­qinaal­lu eq­qis­sinerlu pisas­sarigai’. – Rom 2:10.