Jesusip toqunera inuunissamik naassaanngitsumik neriuuteqartitsisoq eqqaaniarparput
1 1993-imi aprilip ulluisa 6-anni seqernup tarrinnerata kingorna ’inuunermut siulersuisup’ pingaarnerup, Jesus Kristusip, toqunera eqqaaniassavarput. (ap. sul. 3:15) Taassuma inuunera toquneralu eqqaaniassallugu naleqqulluartuuvoq, taassuma aava kuisaq inuunissamik neriuutitsinnut aalajangiisuummat.
2 Eqqaaniaalluni nalliuttorsiornerup erseqqissarpaa Jehovap siunertaata naammassineqarnissaanut Kristusip toqunerata pingaaruteqarnera. Siunertamut tamatumunnga ilaavoq inummik naammalluinnartumik pilliuteqarneq Adamip kinguaaviisa utertinneqaatissaannik, inunnullu milliardilikkuutaannut upperssuseqalersitsisinnaasumik nunarsuarmilu paratiisiusumi naassaanngitsumik inuusoqalersitsisinnaasumik. — Juán. 3:16.
3 Sallusuissummik inuunermillu asannittut tamarmik Jesusip peqqussutaa naalallugu Naalakkap unnukkorsiortitsinerata nalliuttorsiuutigineqarnissaa qilanaaraat. (Lúk. 22:19) Kristusilli utertitsisummik pilliutaanik pingaartitsinerput takutinniarlugu qanoq iliorsinnaavugut? Nalliuttorsiornerup tamatuma pingaaruteqarnera nalunnginnatsigu piareersarluartariaqarpugut. Qanoq ililluta?
4 Piareersajaartariaqarpugut: Soorunami ilaqutariit tamarmik eqqaaniaalluni nalliuttorsiornermut najuunnissaat isumagisariaqarparput. Aammalu Biibilimi oqaluttuat Jehovas Vidners kalender 1993-imi aprilip ulluisa 1-ianiit 6-iata ataanni issuaaffigineqartut atuarnerisigut isumarput uummaterpullu piareersartariaqarpavut eqqarsaatigeqqissaarlugillu. Aamma aprilip ulluisa 6-at sioqqullugu nammineq ilaqutariittullu atuaqqissaartarnitsinni nalliuttorsiornerup pingaaruteqarnera eqqarsaatigisariaqarparput. Nutaat tikilluaqquniarlugit ilorrisimaartinniarlugillu aggiaarnissarput nalliuttorsiornerullu kingorna najuunnissarput pilersaarutigisariaqarpavut.
5 Eqqaaniaalluni nalliuttorsiornissaq sioqqullugu nalunngisavut soqutiginnittut unnummut tamatumunnga qaaqqugutsigik ajunngissaqaaq. Ilagiit tamarmik qaaqqusissutinik naqitanik nassinneqarsimapput, tamakkulu atorutsigik eqqaasariaqarparput qaqugu sumilu eqqaaniaalluni nalliuttorsiorneqassanersoq. Qaaqqusassannik allattuigit. Ilaat aasariaqarpat? Qanoq ikiorsinnaavavut? Biilinni inissaqarpat utoqqaanertat aperisinnaavatit ilaarusuttoqarnersoq.
6 Eqqaaniaalluni nalliuttorsiorneq ukiup ingerlanerani nalliussinneqartartuni pingaarnerpaammat amerlasuullu aggernissaat naatsorsuutigineqartarmat, ilagiinni utoqqaanertat piaartumik pisariaqartunik piareersajaartariaqarput. (1 Kor. 14:40) Sapaatip-akunnera ataaseq nalliuttorsiornissaq sioqqullugu utoqqaanertat nalliuttorsiornermi suliassaqartussat ilagalugit ataatsimiissapput, suliassaqartut sumi issianissartik qanorlu assersuutit sassartissanerlugit nalunnginneraat qulakkeerniarlugu. Nakkutilliisussat assersuutinillu sassaasussat utoqqaanertat unnersuussutaat maleruaqqissaartariaqarpaat. Allattuiffik ataani allassimasoq atorlugu utoqqaanertat qulakkeersinnaavaat suut tamarmik, assersuutit, nakkutilliisussat assersuutinillu sassaasussat piareersajaarsimanersut.
7 Nunarsuarmi Kristusip qatangutai ikittuinnanngorsimapput, siunissamilu qaninnerusumi eqqaaniaalluni nalliuttorsiortarneq atorunnaassaaq. (1 Kor. 11:25, 26) Taamaattumik suli tamatuminnga immikkut pisinnaatitaaffeqartilluta Jesusip toqunera inuunissamik naassaanngitsumik neriuuteqartitsisoq eqqortumik eqqaaniartigu. (kmD 3/93 Vi mindes . . .)