Saqqummiusseriaatsit oqitsut sunniuteqarluartullu
1 Jesusip Guutip naalagaaffia oqitsumik toqqaannartumillu oqaluussissutigisarsimavaa. Nalunngilaa assersuutaasumik savat sallusuissut tusarunikku ajunngitsumik qisuariassasut. Nalunngilaattaaq inuit assigiinngitsunik soqutigisaqarlutillu eqqarsaariaaseqartut. Taamaattumik aallarniutit, apeqqutit assersuutillu nalunanngitsut assigiinngitsorpassuit atortarpai tusarnaartini soqutiginnilersinniarlugit uummataallu anguniarlugit. Maligassiaa malinniarsinnaavarput saqqummiusseriaatsit nalunanngitsut sunniuteqarluartullu atortarutsigik.
2 ’Ræsonnerebogi’ sunniuteqarluartumik atortaruk: Qulequttap „Suliffissaqarneq/Inissaqarneq“-rup ataani aallarniut siulleq ullumikkut naleqqulluartuuvoq nalunanngitsunnguullunilu.
Ima oqarsinnaavutit:
◼ Eqqaamiutit oqaloqatigaavut qanoq ililluni suliffissaqarnissaq inissaqarniarnissarlu tamanut qulakkeerneqarniarsinnaanersoq. Nunami naalakkersuisut tamanna pilersissinnaaneraat ilimagisinnaavarput? . . . Ajornartorsiutit tamakku qanoq ilillugit anigortinneqarsinnaanerat ataatsip nalunngilaa, tassaavorlu inuit pinngortitsisuat.“ Jesaja 65:21-23 atuariaruk. Taava pulaarfigisat aperisinnaavat eqqarsaat tamanna qanoq isumaqarfigineraa.
3 Qulequttap „Naapertuilluanngissuseq/Naalliunneq“-up ataani aallarniut ullumikkut inunnut amerlasuunut tusaruminassaaq.
Ima aperisinnaavutit:
◼ „Eqqarsaatigisimaviuk inuit naapertuilluanngitsumik pineqartarnerat naalliutsitaasarnerallu Guutip ilumut isumakuluutigisarnerai?“ Pulaarfigisaq oqaaseqartiguk taavalu Nalunaajaasup oqaasii 4:1 aamma Tussiaat 72:12-14 atuarlugit. Tulluarpat ’Paratiisilersaarut’-mmi quppernerit 150-53 takutissinnaavatit tikkuarlugulu qanoq silarsuarmi pissutsit Biibilimi siulittuutit ilaannik eqquutitsisut. Nangillutit quppernerit 161 162-ilu quppersinnaavatit takutinniarlugu pilluaqqussutissanik sunik Guutip inuiaat neriuutissaqartikkai. Pulaarfigisat aperiuk neriorsuut sorleq nuannarineruneraa.
4 Immaqa pulaarfigisavit ilaannut ’Paratiisilersaarut’ pinnagu atuagaaraq, naqitaaraq imaluunniit atuagassiani ilanngutassiaq takutikkumassavat.
Assersuutigalugu, ilanngutassiami matumani immikkoortoq 2-mi aallarniut atoreerlugu ima oqarsinnaavutit:
◼ „Atuagaaqqap matuma, Guutip ilumut soqutigaatigut?, ersarissumik takutippaa Guuti qanoq iliuuseqarumaartoq ulluinnarni pisariaqartitavut matussutissinniarlugit, qanorlu ililluta uagut neriorsuutit tamakku iluaqutigisinnaagivut.“ Atuagaaqqami qupperneq 26 27-lu quppikkit immikkoortorlu 21 erseqqissarlugu.
5 Imaluunniit immikkoortoq 3-mi aallarniut atoreerukku naqitaaraq Silarsuaq manna aniguissava? takutissinnaavat.
Ima oqarsinnaavutit:
◼ „Silarsuaq atugarliornernik ajornartorsiutinillu ulikkaarpoq. Naqitaaqqap matuma takutippaa Biibilimi siulittuutigineqarsimasoq ullutsinni sorsunnerit, kaanneq nappaatillu pisarumaartut. Guutili aamma neriorsuisimavoq nunarsuarmi pissutsit annertuumik allanngortinneqarumaartut.“ Naqitaaqqami qupperneq 5-imi immikkoortoq kingulleq atuaruk.
6 Inuit allat ilumoorluta soqutigigutsigik saqqummiusseriaatsillu oqitsut sunniuteqarluartullu uummataannik killiisinnaasut atorutsigik, qularnanngitsumik assersuutaasumik savat ajunngitsumik qisuariassapput. — Juán. 10:16. (kmD 2/93 Enkle og virkningsfulde . . .)