Biibilimik soqutiginninneq allisarniarlugu aggeqqittarit
1 Ilaatigut oqaluussinitsinni naapitsisarpugut soqutiginninnermik nittaasunik, maannakkorpiarli piffissaqanngitsunik. Piffissakkut allakkut aggeqqittarpugut? Ilaannikkullu soqutiginartunik oqaloqateqartapugut atuagassianilli piumanngitsunik. Sallusuissummik oqaluttuuteqqinniarlugit aggeqqittarpugut?
2 Pingaartorujussuuvoq angalaarfigisartakkatta peqqissaartumik angalaarfiginissaa soqutiginnittunullu aggeqqinnissarput. Atuakkamik atuagassianilluunnit pisimasut kisiisa orneqqittarpavut? Taamaappat soqutiginnittut arajutsisinnaavavut. Atuagassianik pisimannginnerat piinnarlugu anersaakkut nerisassanik peqqittariaqanngitsutut nalilissanngilavut. (Naleqqiuguk Rûmamiut 14:4.) Immaqa qimagutereernitta kingorna pulaarsimasatta oqaatsivut eqqarsaatigilissavai, pulaarniarlugulluunniit iliuuserisimasarput eqaarsaatigisinnaavaa. Immaqa tullianik tusaajumanerussaaq.
3 Kingullermik ulapissimasumut aggeqqikkuvit, oqarsinnaavutit:
◼ „Naammatooqqissinnaagakkit nuannaarutigaara. Kingullermik maaniikkama ulapissimavutit. Isumagisassarpassuaqartutit paasisimavara, taamaattumik naatsumik piffissannik tigusilaassaanga. Qularnanngilaq qaniginerpaasavillu peqqilluarnissarsi soqutigigit. Nalunngiliulli Guuti neriorsuisimasoq nappaatit tamaasa peerumallugit? Nuannissaqaaq ilaa! [Pulaakkat oqaaseqartiguk.] Malugiuk atuagassiami, ’Ata! Suut tamaasa nutaanngortippakka’-mik ateqartumi, immikkoortumi 4-mi allassimasoq.“ Pulakkat piffissaqarpat, immikkoortoq atuarsinnaavat quppernerullu 4-p ataani allassimaffiit ilaat ataaseq silarsuassami nutaami pissutsinik atuuttussanik allaatiginnittoq eqqartorlugu. Pulaakkallu soqutiginninnermik nittaappat, immaqa Biibilimik atuaqqissaaqatigiinneq aallartissinnaavat. Eqqumaffigilluarulli piffissaq sivikitsoq atorniarlugu neriorsuisimagavit.
4 Naqitaaqqamik pisimasumut aggeqqikkuit, oqarsinnaavutit:
◼ „Kingullermik maaniikkama naqitaaqqamik, Kina silarsuup naalagaraa?-mik taaguutilimmik pisimavutit, pissaanermit anersaajusumit ajortumit, Biibilip ’Satan’-imik taasaanit, silarsuatta aqunneqarnera akuerissallugu ajornakusoortippiuk? [Pulaakkat oqaaseqartiguk.] Qupperneq 6-imi immikkoortoq siulleq malugeriaruk.“ Immikkoortoq atuaruk aperillutillu: „Sooq Satanip salloqittarsaariniarpaatigut, illit qanoq isumaqarpit?“ Pulaakkat oqaaseqareerpat qupperneq 3-mi immikkoortoq 4 atuarsinnaavarsi, immaqalu naqitaaraq itinerusumik eqqartornerusinnaavarsi; atuagassiarluunniit Guutip ilumut soqutigaatigut? takutissinnaavat qupperneq 13-imilu immikkoortoq 8 eqqartorlugu.
5 Isumalluarnissamut oqaluussinermilu soqutiginninnermik nittaasut orneqqinnissaannut pissutissaqarluarpoq, aamma naak annikitsuinnarmik soqutiginnikkaluartut. Allanut isumassuinissarput pingaaruteqarpoq, sallusuissummik ilinniartinnissaannik ilumoortumik kissaateqarnissaq. Jehovap peqatigiiffia atuagassianik allallu anersaakkut pisariaqartitsinerannik tikkuussinissatsinnut iluaqutaasinnaasunik siunnersuutinik pilersuisarpoq. — Mat. 5:3.
6 Annikitsuinnarmik soqutiginninnermik nittaasimasorlu oqaloqatigiilluarsimagussi, aggeqqittariaqarputit soqutiginninneq allisinniarlugu. Biibilimik atuaqqissaaqateqalernermik kinguneqarsinnaavoq inuunerullu aqqutaatiguulernissaagut ikiorsinnaavat. Annaassiniarnermi peqqissartumik ilaanissaq tamanut kajumissaarutigaarput. — 1 Tim. 4:16. (kmD 7/93 Kom igen for at . . .)