Allat atuagassiaatitsinnik pingaartitsilernissannik ikiukkit
1 ’Guutip oqaasia uumavoq killinnartorsuullunilu.’ (Epr. 4:12) Atuagassiaativut inunnik Guutip oqaasiata kimeqarneranik iluaqutiginninnissaannik ikiuisarmata, periarfissat tamaasa illumiillu illumut oqaluussinitsinni Biibilimik soqutiginnilersitsiniaalluta atortarpavut.
2 Atuakkat 192-inik quppernillit 1980-ip siornaneersut tamarmik januaarimi neqeroorutaassapput. Apeqqutaalluni atuakkat sorliit ilagiit pigereerneraat, atuakkamit atorusutamit eqqarsaatinik aalajangersimasunik piareersagaqarsinnaavutit. Inuilli amerlanerit toqu pillugu eqqarsaateqartarmata ilagiillu amerlanerit atuagaq Er dette liv alt? pigereermassuk, atuagaq taanna qanoq atorneqarsinnaanersoq marlunnik siunnersuuteqarfiginiarparput. Siunnersuut siulleq oqaluussisartunut nutaanut misilittagakinnerusunulluunniit siunnersuutaavoq, angalaarfiusartunili atassuteqarfigiuminaatsuni aamma atorneqarsinnaavoq.
3 Siunnersuut siulleq: Imminut ilisaritilaariarlutit oqarsinnaavutit: „Apeqqummik soqutiginartumik inuit oqaloqatigaakka: Sooq utoqqalisarlutalu toqusarpugut? Illit qanoq isumaqarpit? [Pulaakkat akitiguk.] Eqqumiinngila orpiit tusindinik arlalinnik pisoqaassuseqalersinnaammata, immallu saanilua hundredet sinnerlugit ukioqalersinnaammat? Sooq uagut 70-80-iinnaat inuusarpugut? [Pulakkat eqqarsarnissaanut akinissaanullu periarfissiguk.] Assiliaq una takoriassagit. [Atuagaq Er dette liv alt takutiguk quppernerlu 24 qupperuk.] Apeqqut malugiuk: Inuit inuunerata sivikinnera naleqquppa? Tassunga tunngatillugu kapitali soqutiginartunik imaqarpoq, kapitalimi 4-mi [qupperneq 27 qupperuk] sooq utoqqalisarlutalu toqusarnersugut akineqarpoq. Atuagaq atuarusussagukku ilinnut tunniukkusuppara.“
4 Siunnersuutip aappaa: Kiunerit oqaatigeriarlugu, oqarsinnaavutit: „Apeqqummik nammineq soqutiginartinannik taamaattumillu allanut oqaloqatigiissutigerusutannik oqaloqatigerusukkaluarpakkit: Toqu sunut tamanut killiuva, toqulluunniit kingorna inuuneqarpa? Nalunngikkaluarpara apeqqutaasoq namminerisaasussaq, taamaakkaluartorli, qanoq isumaqarpit? [Pulaagaq oqaaseqartiguk.] Isumaqarpit tamanna pillugu paasisaqarsinnaasugut? [Tusarnaaqqissaarit.] Toqugaangatta susoqartarnersoq Biibilip nassuiarpaa. Tusariaruk. [Nalunaajaasup oqaasii 9:5,10 atuaruk eqqartorlusiullu.] Takutippaattaarlu uppertunut neriuutissaqartoq. [Juánase 11:25 atuaruk nassuiarlugulu.] Isumaqarpit suna upperinerlugu apeqqutaasoq? [Pulaakkat akitiguk.] Atuagaateqarpunga [Atuagaq Er dette liv alt? takutiguk quppernerlu 6 qupperuk.] tamatuminnga samminnittumik. Qanoq allassimasoq tusariaruk. [Immikkoortut 1-imiit 3-mut pulakkallu atuarsigit eqqartorlugilluunniit imarisaata allattorsimaffiani kapitalit 5, 9, 16 aamma/imaluunniit 19 innersuussutigikkit.] Atuagaq atuarusukkukku ilinnut tunniukkusukkaluarpara.“ Aggeqqinnissannik isumaqatigiigitsi.
5 Piareersarluarsimanerpit Jehovallu uagut inuit apeqqutigisinnaasatsinnik akissutissanik nassaarsinnaanissatsinnik periarfissiisimanerata nuannaarutiginerata nakimaallutit angorniorlutillu oqaluussinissannut ikiussavaatit.
Ilagiit atuakkamik atuaqqissaartarnerini aqutsisartunut Siunnersuutit qulaani allassimasut katersuunnerni sapaatip akunnerani januaarip pingajuaniit qulinganut eqqartorneqartassapput. (km 9401 Hjælp andre til at værdsætte vore publikationer. . .)