Oqaluussinerit annertusiuk
1 Naalagaaffimmik neriuut Jesusip erlinnartuummut nalilerneqarsinnaanngitsumut assersuussimavaa. (Mat. 13:44-46) Jesusip assersuusiaani angutitut naleqarnerujussuarmik pisiniarlutik pigisaminnik tamanik tunisisutut ippugut? Taamaappat Guutip naalagaaffia inuunitsinni sallerpaatissavarput, pilliuteqassagaluaruttaluunniit. (Mat. 6:19-22) Inooriaatsivit suna ersersippaa? Kiffartornerit annertusiniarlugu qanoq iliorpit?
2 Suliniutikka qanoq ilillunga annertusisinnaavakka? Maannakkut ukioq oqaluussiffissaq nutaaq aallartimmat tamatsinnut pitsaassaaq kiffartorsimanerput kingumut qiviassallugu paasiniarlugu piffissaq annertunerusoq oqaluussinermut atulersinnaannginnerlugu. Imminut apereriarit: ’Ilaannikkut ikiorti-pioneeriujumallunga, imaluunniit aalajangersimasumik ikiorti-pioneeriulerumallunga, piffissara aaqqissuussinnaavara? Arlalialunnik allannguiguma pioneerinngorsinnaavunga?
3 Oqaluussisartut ilaasa pilersaarusiugaanngitsumik oqaluussinerulernissartik anguniagarilersimavaat. Tamanna amerlasuutigut ilimaginngilluinnakkanik kinguneqartarsimavoq. Allat immaqa pulaaqqiinermut imaluunniit atuaqqissaaqatitaarniarnermut pikkorinnerulerusupput.
4 Maannakkorpiaq periarfissavut tamakkiisumik atunngikkutsigik qanoq ililluta kiffartornerput annertusisinnaavarput? Anguniagalersimasut anguniakkaminnillu angusisimasut siunnersuutigaat qanorluunniit akeqassagaluarpat Naalagaaffiup soqutigisaanik sallinngortitsinissamik aalajangernissaq. (Mat. 6:33) Upperneq Jehovamillu tatiginnilluinnarneq pisariaqarput. (2 Kor. 4:7) Ilumoorlutit qinujuartarnikkut taassumannga ikiorneqarnissat ujartoruk. (Lúk. 11:8, 9) Qularutiginngilluinnarsinnaavarput kiffartornerput annertusiniarlugu ilungersorluta suliniutivut Jehovap pilluaqqujumaarai. — 1 Juá. 5:14.
5 Qatanngutit angutit arnallu kiffartuussinerminnik annertusisitsisimanerminnik iluatsitsisimasut oqaloqatigikkit. Apersukkit qanoq ilillutik akornutissanik qaangiisarsimasut sapiissuseerunnatik. Immaqa taakku namminneq misigisimasarpiaat aamma illit kiffartornerninnik annertusisitsisinnaaninnik qularutiginnikkunnaarnissannut pisariaqarput.
6 Napasuliaq Alapernaarsuiffik-mi imaluunniit Naalagaaffimmik Kiffartuuteqarneq-mi ilanngutassiat oqaluussinermut tunngasut atuaraangakkit qinunikkut eqqarsaatigisaruk qanoq ilillutit siunnersuutit atorsinnaanerlugit. Aamma ilagiit ataatsimiinnerinut ataatsimeersuarnernulluunniit najuukkaangavit taamaaliortarit. Siunnersuutit ilanngutassiami matumani saqqummiunneqartut siorna ataatsimeersuaarartoqarneraneersuupput. Ilanngutassiaq manna ilanngutassiat ataqatigiit siunnersuutinik kajumissinartunik atuinissatsinnut ikiuutissatta siullersaraat.
7 Immikkut suliniarnersuit atorluartakkit. Ilisimaneqarluartumik ima ussateqarpoq: „Aallarnerluakkap iluatsinnissaa ilimanartarpoq.“ Aamma oqaluussinermi iliuuseqarnerorusunnermut atatillugu taamaappoq. Oktobarimi immikkut suliniarnissarsuaq pilersaarutivit piviusunngortinnissaanut atorluarniarniaruk. Ilagiinniittut tamarmik immikkut suliniuteqarlutik ulapputissapput. Ullormi immikkut oqaluussiniarfimmi oktobarip 1-iani kikkut tamarmik peqataasinnaaqqullugit aqqusinermi oqaluussinermik immikkullu katersuunnernik aaqqissuussineqassaaq, qaammatip ingerlanerani immikkut ittunik katersuunneqartassaaq, atuagassianik ilisarititsinermik sungiusartoqartassaaq, amerlasuullu ikiorti-pioneeriussapput. Taamaalilluni kiffartornerup annertusinissaanut ’aallartilluarnissamullu’ periarfissaqarluassaaq.
8 Jesusip kiffartornini ilumooruttorujussuusimavaa — inuunermini pingaarnerpaatissimavaa. Ima oqarsimavoq: ’Neqissara tassa aallartitsisima peqqusaa malillugu suliareqqusaalu naammassillugu.’ (Juá. 4:34) Aamma illit taamatut isigaajuk? Taamaappat kiffartornerpit annertusisinnissaanut periarfissanik nassaarsinnaassaatit erlinnartuusivinnillu ’ajunngitsunik’ inuit allat aveqatigisinnaassallugit. — Mat. 12:35; Lúk. 6:45. (kmD 94/9 Forøg din indsats . . .)