Qanoq ililluni kiffartorneq annertusineqarsinnaasoq
1 Ukiut 40-t sinnerlugit matuma siornatigut Napasuliaq Alapernaarsuiffik-p tuluttuuani 15. januaari 1955-imoortumi allaaserisaqarpoq taaguuteqartumik ’Sapinngisat naapertorlugu iliuuseqarpit?’ Allaaserisap tikkuarpaa Jehovap kiffaasa ilaasa qanoq ilillutik kiffartuussinerminni pitsannguillutillu annertusisitsisinnaanerat. Siunnersuutit tamakkua pitsaasut aamma ullumikkut atuupput, suli pitsaanerusumik angusaqarniarluta iliuuseqarnitsinni.
2 Kiffartuussinerput inassummik annerpaamik pissuteqartariaqarpoq: ’Asassavat Jehova Guutit uummatikkut iluunngarlutit tarnikkullu iluunngarlutit isumakkullu iluunngarlutit nukisillu tamakkerlugit.’ (Mákorse 12:30) Jehovamut asanninnerput takutittarparput periarfissavut tamaasa atorlugit Guutip naalagaaffiata soqutigisaanut tunngasunik siuarsaanitsigut. Eqqarsaatigiuk kiffartuussinerit tulliuttumi taaneqartutigut annertusisinnaanerlugu.
3 Akisussaaffiit eqqortiguk: Qatanngutit angutit tunniulluinnarsimasut ilagiinni kiffartortunngornissaminnut kingornatigullu utoqqaanertanngornissaminnut ilungersorlutik piukkunnarsarsinnaapput. Allaaserisat Vagttårnet-imi 1. septembari 1990-imoortumi „Tragter du efter et tilsynshverv?“ aammalu „Er du kvalificeret til en tjeneste?“ qatanngutinut angutinut kajumissaataasimapput ilagiinni annertunerusumik akisussaaffeqalernissamut piareersimanissamut. Sumiiffinni utoqqaanertat aperikkit aalajangersimasunik siunnersuutissaqarnersut qanoq iliussanerlutit piukkunnarsarniarlutit.
4 Utoqqaanertat aammalu ilagiinni kiffartortut katissimanngitsut kajumissaarneqarput eqqarsaatigeqqissaassallugu Kiffartortut Atuarfiannut qinnuteqarnissaq. Atuarfik tamanna pillugu paasissutissanik amerlanerusunik aallersinnaavutit qulequttami „Skolen for Udnævnte Tjenere“-mi Register til Vaggtårnets publikationer 1986-1995-imi. ’Isertarfik angisooq’ tamanna ilinnut ammalerpa? (1 Kor. 16:9a) Qatanngutit angutit amerlasuut matukkut tassuuna ingerlasimasut takorloorsimanngisaannarsimavaat kiffartuussinermut piginnaatitaaffiit taama amerlatigisut, kisianni maannakkut Betelimi kiffartorput imaluunniit specialpioneeritut, ajoqersuiartortitatut, nakkutilliisutulluunniit angalasartutut kiffartortuullutik.
5 Piffissaq tamaat atorlugu kiffartuussinissamik anguniagaqarit: Piffissaq tamaat atorlugu kiffartorneq Jehovamut tamakkiisumik tunniulluinnarnitta pissusissamisoortumik kinguneraa, taamaattumik tamatta pioneerinngorsinnaanerluta eqqarsaatigeqqissaartariaqarparput. Guutip Naalagaaffianut Kiffartorneq juuli 1998, qupperneq 3-6-imeersoq eqqaaqqiguk taamaalioreeruillu pioneerit illit atukkanut assingusumik atugaqartut oqaloqatigikkit. Immaqa iliuuserisimasaat malikkusulissavatit kiffartornerillu annertusisillugu pioneerinngorlutit. (1 Kor. 11:1) Qanoq ilillutit periarfissaqalissavit kiffartornerpit annertusinissaanut qaammammut nalunaaquttap-akunnerisa 70-it angunissaanut taamaalillutillu pioneerinngorlutit?
6 Maannakkorpiaq qatanngutit angutit arnallu 17.000-t Betelini kiffartorput, qitiusumi allaffeqarfimmi imaluunniit nunarsuaq tamakkerlugu allaffinni immikkoortortaqarfinni. Rigets Tjeneste-mi marsi 1995-imoortumi ilassutini eqqaaneqarpoq Betelimi kiffartornissamut suut piumasaqaataanersut. Soormi allaaserisaq atuaqqikkukku eqqarsaatigalugulu Betelimi kiffartorniarnermut piginnaatitaaffimmut tamatumunnga piukkunnarsarsinnaanerlutit?
7 Pisariaqartitsiffiusumi kiffartorneq: Amerlasuunik oqaluussisartulimmi najugaqarpit, oqaluussiffigisartagarlu akuttunngitsunik angalaarfigineqartarpa? Eqqarsaatigisimaviuk allamut pisariaqartitsiffiusumut nuunnikkut kiffartornerpit annertusisinnissaa? Immaqa qanittumi sulisussanik amerlanerusunik pisariaqartitsiffeqarpoq. (Mat. 9:37, 38) Nukingernarluni taamaaliortariaqanngilaq. Qinunikkut eqqarsaatigeqqaarlugu aalajangerniagassaavoq. (Lúk. 14:28-30) Utoqqaanertat nakkutilliisorlu angalasartoq tamanna pillugu oqaloqatigikkit. Oqaloqatigissavaatsit maannakkut nuunniarneq silatusaarnerunersoq, imaluunniit pilersaarusiorluaqqaarluni kingusinnerusukkut pitsaanerussanersoq. Peqatigiiffik apererusukkukku sumi pisariaqartitsisoqarnersoq, ilagiit kiffartuuteqarnermut ataatsimiititaliaasa allagaat illit allakkannut ilanngullugit nassiunneqassapput.
8 Kiffartuussinerit pitsanngorsarniarlugu iliuuseqarit: Tamatta kiffartuussinerput annertusisinnaavarput, kiffartornerput pitsanngorsarniarlugu iliuuseqarnitsigut. Oqaluusseriaatsinni assigiinngitsuni tamani ilaavit, tamakkununnga ilaavoq illumit illumut oqaluussineq, torrutiinnarlugu oqaluussineq, pulaaqqiinermik atuaqqissaaqateqarnermillu suliaqarneq? Atuaqqissaaqateqarpit, taamaappallu ilinniartitsinerit pitsaanerulersinnaava? Rigets Tjeneste-mi juuni 1996-imoortumi ilanngussaq takoqqikkukku pitsaassaaq, tassani siunnersuutigineqarmat qanoq ilinniartitatit tunniulluinnarnissaanut kuisinnissaanullu ikiorsinnaagitit.
9 Qanoq ililluni kiffartornerup annertusineqarsinnaanera sukumiinerusumik sammineqarpoq Organiseret til at fuldføre vor tjeneste-mi kapitali 9-mi. Soorunami tamatta sapinngisarput tamaat Guutimut kiffartuussinissamik kissaateqartariaqarpugut. Pimoorullugu eqqarsaatigiuk anersaakkut anguniakkatit suli annertusaqqissinnaanerlugit. 1 Timûtiuse 4:15-imi kajumissaarut maliguk: ’Tamakku isumaliutigikkit ileqqoralugillu alliartussutsit tamanut malunnarseqqullugu.’