’Paratiisilersaarummut’ soqutiginnilersitsiniaagit
1 Inuit angerlarsimaffinut pulaaraangatsigik ’silap matuma piinik isumakuluutiginnikkajuttarput’. (Mák. 4:19) Soqutiginnilersinniartussaavavut eqqarsariaallannartumik aallarniinitsigut. Inuit amerlanerit aallaqqaataani oqaatiginiakkatsinnik soqutiginnippallaarneq ajorput. Taakkununnga soqutiginarluinnartumik oqaaseqarsinnaagutta immaqa Naalagaaffimmik tusarliussamut soqutiginnilersissinnaavavut. Oqaloqatigiissutissatut toqqagaq ’Paratiisilersaarummeersoq’ immaqa oqaloqatigiinnermik aallartitsisinnaavoq.
2 Inussiarnersumik ilassinnereeruit ima oqarsinnaavutit:
◼ „Inuinuku silarsuarmik pitsaanerusumik soqutiginnittut ujarivut, immaqa illit tamakkununnga ilaavutit. Tamannali anguneqassappat suna pisariaqarpa? Pissaaneqartuuguit suna iliuuseqarfigissagaluarpiuk? [Pulaakkat akili, taamaappallu oqaatigiuk inuppassuarnit isumaqatigineqartoq.] Silarsuarmi siuttut ullumikkut ajornartorsiutigisatsinnik ulloq manna tikillugu aaqqiisinnaasimanngillat. Inuiaalli ajornartorsiutaannik aaqqiisinnaasoqarlunilu aaqqiisussaqarpoq. Malugeriassagit uani Tussiaat 145:16-imi qanoq allassimasoqartoq. [Allassimaffik atuaruk, immaqa atuakkamit, q. 14, § 14, quppernernilu 11-13-imi assiliartat takutikkit.] Immikkoortumi 14-imi quppernermi 14-imiittumi apeqqut oqaloqatigiissutigisarput apeqqutigineqarpoq, imalu aamma apeqquteqarluni: ’Tamannali qaqugu pissava?’’ Nassuiaruk apeqqut atuakkami akineqartoq, pulaakkallu soqutiginnippasippat atuagaq neqeroorutigisinnaavat.
3 Aamma ima oqarsinnaavutit:
◼ „Inuinuku oqaloqatigigivut amerlanersatta misigisimasaat imaluunniit misigiumaagaat pillugu. Tassa qanigisamik toqusoqartillugu neriuutaaruttutut misigineq. Alianartaqaaq ikiorfissaaruttutullu misiginartarluni. Taamatut pisoqartillugu apeqqutit uani atuakkami saqqummiunneqartut eqqarsaatigikulanarsisarput: [qupperneq 76-imi immikkoortoq 1-imi apeqqutit atuakkit.] Apeqqutit tamakku akissutisarsisinnaasuugaanni nuannissagaluaqaaq, ilaa? Biibilimi oqaluttuunneqarpugut toqusunut neriuutissaqartoq. [Juánase 5:28, 29 atuaruk, immaqa atuakkami qup. 167-imit.] Atuakkami tassani takutinneqarpoq toqusut qanoq pisartut qanorlu siunissami neriuutissaqartut.“ Kapitalit 8 aamma 20 naatsumik innersuussutigikkit. Pulaakkat soqutiginnilluinnarpat atuagaq neeqeroorutigisinaavat.
4 Pilersaarusiaanngitsumik oqaluussinissannut periarfissarsiguit ima aperisinnaavutit:
◼ „Isumaqanngilatit ullumikkut silarsusaq ajornartorsiutinik ulikkaartoq? Aamma isumaqanngilatit pisuussuteqanngitsut eqqugaanerusartut? Isumaqarpit ullut arlaanni Guutip naalliuutit piiarumaarai? [Pulaakkat oqaaseqarli.] Tusariassagit Guutip kiffartortini qanoq neriorsorai. [Tussiaat 37:40 atuaruk ’Paratiisilersaarummilu’ qup. 99 qupperuk.] Atuakkami uani nassuiarneqarpoq sooq Guutip ajussuseq ilaginnarallarsimagaa qanorlu ililuni peerumaaraa.“
5 Oqaluussisartoq inuusuttoq aallaqqaasiinermini assersuutigalugu quppernerni 156-58-imi assiliartat takutissinnaavai, aperalunilu:
◼ „Silarsuarmi taama ittumi inoorusussinnaavit? [Pulaakkat akili.] Assilissani kusanartuni taakkunani tamani neriorsuutip Guutip oqaasiani, Biibilimi, nassaassaasup eqquunnera takutinneqarpoq. [Allaffimaffinnik innersuussinerit malugitikkit.] Atuakkami uani neriorsuut tamanna, ullut arlaanni nunarsuup paratiisinngortinneqarnissaanut tunngasoq, pillugu paasisaqarnerusinnaavutit. Atuagaq paasissutissanik inuunermik annassutaasunik imaqarpoq, taamaattumik tiguniaruk, atuarniariullu.“ — Juá. 17:3. (kmD 94/9 Skab interesse for ’Paradisbogen’)