’Paratiisilersaarut’ pitsaasumik saqqummiuguk
1 Jesus oqaloqatigiinnermik aallartitsillaqqissorsuusimavoq. Nalunngilaa soqutiginnilersitsiniaruni qanoq oqassalluni. Ilaanni arnaq Samariamiu immiseqqunermigut oqaloqatigilersimavaa. Arnaq erniinnaq tusarnaalerpoq ’Samariamiummi juutinit soqutigineqartanngikkaluarmata’. Oqaloqatigiinnerat arnap allarpassuillu uppertunngornerannik kinguneqarpoq. (Juá. 4:7-9, 41) Jesusip maligassiaa ilinniarfigisinnaavarput.
2 ’Paratiisilersaarutip’ neqeroorutiginissaanut piareersaleruit imminut aperisinnaavutit: ’Inuit oqaluussiffissatta ulluni makkunani suut eqqarsaatigaat? Inuusuttuaqqanut, utoqqarnut, angutinut arnanulluunniit suut soqutiginarpat?’ Saqqummiusseriaatsit assigiinngitsut piareersarsinnaavatit naleqqunnerpaallu atornissaat piareersimaffigalugu.
3 Inussiarnersumik qungujulallutillu alooriarlutit ilisariteriarlutillu ima oqarsinnaavutit:
◼ „Malugisimavara inuppassuit upperisarsiorneq ullumikkut silarsuarmi sorsunnernut eqqissiviilliornernullu pisuutittaraat. Illit tamanna qanoq isumaqarfigaajuk? [Pulaakkat akili.] Assersuutigalugu Jugoslaviaasimasumi upperisarsioqatigiit assigiinngitsut pingasut imminnut akersuupput, upperisarsiornikkullu siuttut tamanna akuersaarlugulu pilluaqquaat. Taava Guuti ilumoortoq kiffartuussimassavaat? [Pulaakkat tusarnaaqqissaaruk atuagarlu takutillugu.] Malugeriaruk qanoq allassimasoqartoq kapitalimi uani qulequtalimmi ’Qanoq upperisaqarnerit pingaangaartoq’. [Quppernermi 28-mi immikkoortoq 8 atuaruk, ajornanngippallu pulaakkat apeqqummut oqaaseqartiguk.] Atuariigarput assiliartap 29-miittup erseqqissarpaa, Biibilimilu allassimaffik tamatumunnga tunngaviusoq issuarneqarsimavoq. [Allassimaffik atuaruk.] Tassa nassuerutigisariaqarparput upperisarsiorneq sorsunnerpassuarnut eqqissiviilliornerpassuarnullu pisooqataasoq. Kisianni upperisarsiorneqarnerluni Guutip iluarisaanik? [Pulaakkavit isummani anilliuk.] Immikkoortup tulliani tamanna sammineqarpoq. Atuagaq tigoriarlugu nammineq misissorsinnaavat.“
4 Ima oqariarlutit: „Aluu, . . . -mik ateqarpunga,“ ima nangissinnaavutit:
◼ „Maluginikuuara soorlu inuit aningaasat piinnarlugit qanorluunniit ilioriaannaasartut. Aamma illit tamanna malugisimaviuk? [Akissutaa tusarnaaruk; najugaani ilisimaneqarluartumik assersuuteqarit, eqqartorsinnaavatilluunniit sakkussianik tuniniaaneq, nunanut piitsunut nakorsaatinik ulorianartunik tuniniaaneq, allaluunniit naleqquttoq.] Biibilimi inuit aningaaserituut eqqartorneqarput piffissamullu aalajangersimasumut atassuserneqarlutik. [Atuakkami quppernermi 152-imi issuagaq atuaruk pissutsillu allat eqqaaneqartut innersuussutigalugit.] Isumaqarpit eqqartorneqartoq tamanna uagut nalitsinnut naleqquttoq? [Pulaakkat akinissaanut piffissaqartiguk.] Pissutsit eqqartorneqartut nalitsinnut naleqquppata taava paratiisi Biibilimi eqqartorneqartoq ungasigunnaarsimassaaq. Atuagaq atuarusukkukku tigusinnaavat. Taava nammineq nalilersinnaassavat oqaluusereriikkatsitut innersoq.“
5 Pisariinnerusumik aallarneerusukkuit ima oqarsinnaavutit:
◼ „Malugisimavara inuppassuit tupigusuttartut sorsunneqartuaannarlunilu eqqissiviilliortoqartuaannarmat uffa eqqissinissaq anguniarlugu suliniartoqaraluaqisoq. [Akissutissaa utaqqiuk.] Atuakkami nassatanni eqqarsaat soqutiginartoq takutilaarlara. [Qupperneq 16 qupperuk, immikkoortoq 1-imiit 2-miillu eqqarsaatinik taasaqarit, taavalu immikkoortoq 3 atuarlugu.] Kinaanera paasisinnaagutsigu ajornartorsiutinut pissutaasuinnaanngitsoq aammali aaqqiissutissaq nassaarisinnaassavarput. Atuagaq piumagukku akissutissaa tassani paasiniarsinnaavat.“
6 Pitsaasumik aallarniinissannut piareersarsimaguit naapertuilluassutsimik kipisagisaqartunut anngunnissannut iluaqutigissavat. — Mat. 5:6. (kmD 95/02 Præsentér ’Paradisbogen’ på en god måde.)