Allat soqutiginninnerat malittaralugu ikiukkit
1 Qanoq ililluta aalajangersinnaaavugut pulaakkavut atuagassanik tunissanerlugit? Soqutigisaqarnerat apeqqutaavoq! Tamanna aamma pulaaqqiinissatsinnut aalajangiisuuvoq. Annikittunnguamilluunniit soqutiginnittoqarpat sapinngisarput tamaat ikiorniassavarput. Aggeqqissaagut pulaakkatta soqutiginninnera ineriartortinniarlugu pisinnaappallu atuaqqissaaqatigilerlugu. Aamma atuagassiaatitsinnik pisimanngitsunut taamaaliortarnissarput anguniagaraarput. Qanoq iliorsinnaavugut?
2 Kingullermik sooq Guutip ajussuseqarneq atuutitikkaa eqqartorsimagukku, ima oqarsinnaavutit:
◼ „Aluu . . . [Pulaakkavit atia atoruk.] Qanoq ippit? [Pulaakkat akili.] Qilanaarisimavara ilinnut Biibilimiit takutissallugu Guutip ajussuseq sooq taama sivisutigisumik atuutitikkaa. [Unikkallarit pulaakkat oqaaseqarsinnaammat.] Kingullermik atuagaq pinikuusat qinersimavara. [’Paratiisilersaarut.’] Qanittumi maani pigiviuk? Qupperneq 101 qupperiaruk. Aallaqqaataaniit Guutip ajussutsimik atuutitsitsigallarnera paasissagutsigu inuit siulliit inuusimanerat nunami maani qiviaqqaartariaqarparput. Eqqaamajunnarsivat pinngortitaanngitsiarneranni qanoq pisoqarsimasoq? [Assiliaq 101-imiittoq takutiguk pulaakkallu oqaaseqartillugu. Eqqarsaatillu qupperneq 100-imi immikkoortoq 5-imiittut atukkit.] Malugaajuk Guutip Adam Evalu sumik piumaffigigai? [Pulaakkat akili. Kingorna oqaaseqaat Jerusalem-Biibilimit qupperneq 101-imi immikkoortoq 6-imi issuarneqartoq innersuutigiuk. Immikkoortoq 7 atuarlugulu eqqartoruk.] Guutiugaluaruit qanoq iliussagaluarpit? [Tusarnaarit eqqarsaatillu immikkoortoq 8-imiittut atukkit.] Immaqa tulliani misissuataarsinnaavarput Guutip akerleriissuteqarneq aaqqinniarlugu qanoq iliorsimasoq. Qaqugu nanginnissaanut piffissaqarsinnaassavit?“
3 Kingullermik immaqa saqqummiineq naatsoq atorsimavat, taava ima oqarsinnaassaatit:
◼ „Kingullermik oqaloqatigiissutigaarput apeqquterpassuit Biibilip atuartarneratigut akineqarsinnaasut. [Pulaakkat akinissaminik ersersitsili.] Akissutit tamakku paasissallugit pingaartorujussuuvoq Biibili napertorlugu maanna ulluni kingullerni inuugatta, Guutilu ajussuseq nunarsuarmit peerniarlugu qanittukkut akuliussammat. Uppernarsaatissaqarluarpugut uani kapitali 18-imi takutinneqartunik, qupperneq 148-imi. [Qupperneq 150-53-imilu nalunaaqqutit misissorsigik taavalu qupperneq 156-58-imi assilissat.] Tulliani aggeqqikkuma immaqa eqqartorsinnaavarput qanoq iliortariaqartugut pissutsit taama nuannertigisut misigissagutsigik. Qanoq isumaqarpit?“
4 Kingullermik qinnut ’Ataatarpooq’ eqqartorsimagukku ima nangillugu ingerlaqqissinnaavutit:
◼ „Aluu. Naapeqqissinnaagakkit nuannaarutigaara. Eqqaamaviuk kingullermik Guutip naalagaaffia tikiuppat qanoq pisoqarumaarnera oqaloqatigiissutigigatsigu? [sarĸúmersitat 21:3, 4-imilu naatsumik eqqarsaatinik taasaqarit pulaakkallu akili.] Atuakkap ilinnut tunniussama taama pisoqarumaarnera upperisinnaagipput tunngavissaqarluartumik saqqummiuppaa.“ [Kapitali 1-imi immikkoortoq 11 atuarlugu aallartiinnarsinnaavat eqqartorlugulu.]
5 Pulaaqqiinerup pingaarnerusumik siunertaraa soqutiginnittut ikiorniarlugit Naalagaaffimmik tusarliussaq qanoq iluaqutigisinnaaneraat. Amerlanerit ikiorneqaqqaartariaqarput anersaakkut naleqartut ussernissaannut. Atuagassiaatitsinni aalajangersimasut atoriaannaasut pingaaruteqartullu uparuukkit, qanorlu Biibilimik paasisaqarnerusinnaasut takutillugit. Taamaalillutik inuit imminnut iluaqutissaminnik iliornissartik ilikkarsinnaavaat. (kmD 9/95 Hjælp andre ved at følge al interesse op)