Allat namminneq iluaqutissaminnik iliornissaannut ikiukkit
1 Jehovap neriorsorsimavaatigut pisariaqartitatsinnik ajoqersussalluta. Neriorsueqqissaarfigaatigut Tussiaat 32:8-imi: „Ilinniartissavakkit ilitsersorlutillu ingerlavissannik. Siunnersussavakkit, isigiuassavakkillu.“ Neriorsueqqissaarut tamanna uagutsinnut iluaqutaasorujussuuvoq. Uagut aamma namminissarsiorata allat ilinniartinniarpavut qanoq imminnut iluaqutissarsisinnaasut Biibilip siunnersuutai pitsaasut malinnerisigut. (Jes. 48:17) Septembarimi taamaaliorsinnaavugut atuagaq pâratîsime nuname nâgssáungitsumik inûsínauvutit neqeroorutigilerutsigu.
2 Inussiarnersumik ilassinneriarlutit ilisaritereeruillu, ima oqarsinnaavutit:
◼ „Eqqaamiutit ilaat oqaloqatigisimavakka ullut tamarluinnaasa ajortut tusartuartakkavut pillugit, assersuutigalugu soorlu tv-aviisimi. [Jugoslaviaasimasumi pisimasunik allanilluunniit eqqaasaqarit. Pulaagaq oqaaseqarnissaanik piffissaqartiguk.] Ilaat oqartarput asannittumik Guuteqaruni taama pisoqartinnavianngikkaa. Illit qanoq isumaqarpit? [Pulaagaq oqaaseqartilli.] Atuagaq nassarpara; apeqqut tamanna tassani soqutiginartumik oqaaseqarfigineqarpoq. [Qupperneq 99-imi allannerit siulliit, immikkoortoq 2-imi atuarneqarsinnaapput oqaaseqarfigineqarsinnaallugillu. Immikkoortoq 2-imi apeqqutit aallarniutitut atukkit. Rûm. 13:9 atuarneqarsinnaavoq.] Immaqa isumaqarputit Guutip ajussuseq ulloq manna tikillugu atuutitimmagu tamanna pissutaasinnaanngitsoq. [Pulaagaq oqaaseqartilli.] Immikkoortoq 4-imi soqutiginartumik assersuuteqarpoq. Atuagaq tigusinnaavat kapitalimilu immikkoortup sinnera illit nammineq atuarsinnaavat. [Unillatsiarit atuagarlu pulaakkannut isaallugu.] Eqqartuinerput nangillugu aalajangersimasumik piffissaqarsinnaassavit, ullualuilluunniit qaangiuppata?“ [Apeqqut tamanna apeqqutigiuk pulaakkavit atuagaq tiguppagu tigunngikkaluarpaguluunniit.]
3 Saqqummiineq naannerusoq atorusukkukku, inussiarnersumik imminut ilisariteriarlutit ima oqarsinnaavutit:
◼ „Inuinuku Biibilimik atuarnerunissaannik kaammattorniarlugit angalaartunga. Apeqquterpassuarnut akissutigisartagai inuit tupaallaatigisarpaat, assersuutigalugu: ’Sooq tamaaniippugut? Toqugaangatta qanoq pisoqartarpa? Suna pillugu Guutip ajussuseq atuutitippaa?’ Illit aamma apeqqutit tamakku eqqarsaatigisarpigit? [Pulaagaq akili tusarnaarluarillu.] Atuakkap uuma [Paratiisilersaarut takutiguk.] Biibili tunngavigalugu akissutissaqarpoq. Tigusinnaavat akissutissaalu nammineq atuarsinnaavatit.“
4 Periaaseq manna aamma atorneqarsinnaavoq:
◼ „Aluu, . . .-mik ateqarpunga. Qinnut Ataatarpooq qularnanngilaq nalunngilat, eqqarsaatiginikuuiulli oqaraangatta ’naalagaaffiit tikiulli’ suna qinnutigisaripput? [Pulaakkat akili.] Akissutaa sarĸúmersitat 21:3, 4-imilu nassaarineqarsinnaavoq. [Atuarneqassaaq oqaaseqarfigalugulu.] Eqqarsaat tamanna piviusorsiorpaluppa? [Tusarnaarluarit.] Versi 5-imi oqaatsit maluginiariakkit. [Atuarneqassapput eqqartorlugillu.] Uuma atuakkap erseqqinnerusumik [’Paratiisilersaaruk’ takutiguk] pissutsit Guutip naalagaaffiata atuutilersikkumaagassai iserfigineruai. [kapital 1 innersuutigiuk atuagarlu neqeroorutigalugu.] Ulluni qanininnerusuni aggeqqikkumaarpunga atuagaq qanoq isumaqarfiginerit paasiniarlugu.“
5 Saqqummiusassamik piareersarluarnikkut ajunngitsumik pulaagaqarnissamut ilasaaqataasorujussuuvoq. Kasuttortinnak paasiniartaruk Biibilimi eqqarsaammik immikkut ittumik oqaasissaqarnissat. Piareersimaffigiuttaaq atuagassiani naqitaaqqamiluunnit soqutiginartumik naatsumik oqaaseqarnissat pulaakkavit atuagaq perusunngippagu. Septembarimi sallusuissummi inerittussalersuigit periarfissat tamaasa atorluarniartarnerisigut. (Nal. oq. 11:6) Taamaliornikkut allat naassaanngitsumut ajunngitsunik katersuinissaannut ikiorsinnaassavatit. (kmD 9/95 Hjælp andre til at gavne sig selv.)