Allakkat tamarmik ilinniartitsinermut iluaqutaapput
1 Inuit Biibili pillugu isumaat amerlaqaat assigiinngeqalutillu. Uagulli qularinngilarput inuit ajornartorsiutaannut aaqqikkuminaatsunut aaqqiissutissat, kiisalu inuunitsinnut unnersuussutit tutsuiginartut, Biibilimi nassaassaasut. (Uss. 3:5, 6) Biibilip unnersuussutai ilisimassummik asseqanngitsumik imaqarput. Ileqqussatigut najoqqutassareqqusai nalissaqanngitsuupput. Oqariartuutaa pissaanilissuuvoq ’uummatillu eqqarsaataanik isumaanilu killisiuisinaalluni’. (Epr. 4:12) Qanoq ililluta allat paasitissinnaavavut atuakkap tamatuma ilisivimmit tigunissaata misissoqqissaarnissaatalu naleqassusianik? Immaqa siunnersuutit tulliuttut atorsinnaassapput novembarimi Ny Verden-Oversættelsen aamma Bibelen — Guds ord eller menneskers? neqeroorutigilerutsigik.
2 Atuagaq „Bibelen — Guds ord eller menneskers?“ saqqummiunniarukku immaqa ima aallarniisinnaavutit:
◼ „Aluu, . . .-mik ateqarpunga. Malugisimavara inuppassuit biibileqaraluartut ikittuinnaat kisimik inunnut ullutsinni inuusunut naleqarnersoq aammalu Guutip oqaaserineraa oqaaserinngineraaluunniit isumaliutigisaraat! Illit qanoq isumaqarpit? [Pulaakkat oqaaseqarli.] Biibilimi soqutiginartumik allassimasoqarpoq. [2 Timûtiuse 3:16 atuaruk.] Qanoq isumaqarfigaajuk? [Taava atuagaq Bibelen — Guds ord eller menneskers? takutiguk quppernerlu 10 qupperlugu, immikkoortorlu 16 atuarlugu.] Aap, Biibili Guutip oqaaserineraa apeqqutitsinnullu tatiginartumik akissutissaqannginnersoq misissorumassannginerparput?“ [Taava immikkoortumi 17-imi titarnerit siulliit marluk atuakkit atuagarlu neqeroorutigalugu.]
3 Aana siunnersuut alla atorsinnaasat:
◼ „Aviisinik atuaraanni nutaarsiassanilluunniit tusarnaaraanni isumakuluutit amerlisarput. [Aarleritsannartumik nutaarsiassatigut eqqartorneqaqqammersumik taasaqarit.] Ajornartorsiutit taama ittut qanoq iliuuseqarfigisinnaavavut? [Pulaakkat akili.] 1983-imi USA-mi taamanikkut præsidentiusoq [Ronald Reagan] oqarsimavoq Biibili tusarliussamik, tusarliussanit allanneqarsimasunit tamanit pingaarnerpaamik, imaqartoq. Aamma ima oqarsimavoq: „Atuakkap tamatuma quppernerini inuit ajornartorsiutigisimasaannut tamanut aaqqiissutissat nassaassaapput.“ Tamatuma Biibilip nammineq oqaasianik eqqaasippaanga. [Timûtiusimut agdlagkat áipait 3:16, 17.] Sooq Biibili upperisinnaaneripput takutilaarlakkit?“ Naqitaaqqami ’Sooq Biibili tatigisinnaagipput’-mi pingaarnersat ilaanni taasaqarit. Aggeqqinnissat ullumikkullu silarsuarmi pisartut qanoq ilillutik Biibilimi siulittuutinik eqquutitsinersut oqaloqatigiissutiginissaat neqeroorutigiuk.
4 Oqaluussiffigisartakkanni inuit upperisarsiortuunngitsut amerlappata ima aallarniillutit misiliisinnaavutit:
◼ „Maani najugaqartut ilarpassui isumaqarput upperisarsiortut atuagaataat illernartitat imminnut akerleriinnik oqaluttualiaannarnillu imaqartut. Allat Biibili upperiumanngilaat upperisarsiornerup aqqani ajoqisunik iliuuseqartoqartarsimanera pissutigalugu. Inuillu amerliartuinnartut Biibili Guutip inuilluunniit oqaaserineraat imminnut apeqqutigisalersimavaat. Illimmi qanoq isumaqarpit?“ [Pulaakkat akili.] Isumaa tusareerukku atuakkami Bibelen — Guds ord eller menneskers?-imi immikkoortumik pulaakkavit isumaanut tulluuttumik quppiisinnaavutit. Ataatsimik marlunnilluunniit oqallisigisaqaritsi. Assersuutigalugu, qupperneq 66 qupperneqarsinnaavoq immikkoortullu 27-29 qulequtaaqqap „Jesus — en virkelig person“-ip ataaniittut oqallisigalugit.
5 Ajoqersuisorsuatta piumasaminik ilinniarusuttut tamaasa taamaaliorsinnaanissaat isumagisimavaa. Allanut iliuuserisinnaasatta pitsaanerpaat ilagaat Biibilip naleqassusianik piviusumik ilissimasaqalersinnissaat. Tamanna annassutigisinnaavaat. — Uss. 1:32, 33. (kmD 95/11 Hele Skriften er . . .)