Maanna atuagaq Ilaqutariittut pilluarneq isertugaateqarpoq atuaqqissaassavarput
Qularutissaanngitsumik nuannaarutigissavat sapaatip-akunnera 6. oktobari 1997-imiit atuagaq Ilaqutariittut pilluarneq isertugaateqarpoq ilagiit atuakkamik atuaqqissaaqatigiinneranni aallartissagatsigu. Arlaannarpulluunniit ataatsimiittarnerinut tamakkununnga ilaqutariilluni pilluarnerup qanoq anguneqarsinnaaneranik Biibilip atoriaannaasumik unnersuussutaanik pissarsiffigisinnaasatsinni peqataanngitsoorumanngilaq. Sammisassat agguataarneqassaaq atuakkami immikkoortut allassimaffiillu tamarmik peqqissaartumik sammineqarniassammata.
Kapitali siulleq amerlavallaanngitsunik issuagaanngitsunik allassimaffittaqarmat sapaatip-akunnerani siullermi kapitali tamakkerlugu sammissavarput. Taamatuttaarlu kapitali 15 tamaat atuaqqissaarnermi ataatsimi sammissavarput. Kapitalit allat sinneri marlunngorlugit avinneqartassapput taamaattumillu sapaatit-akunneri tamaasa kapitalip affaa sammissassavarput. Taamaaliornikkut allassimaffiit innersuussutigineqarsimasut tamarmik atuarnissaannut eqqartorneqarnissaannullu piffissaqartassaaq taavalu aamma allassimaffiit immikkoortuni tamani issuarneqarsimasut qanoq maleruarneqarsinnaasut eqqartorneqarsinnaasassaaq.
Atuaqqissaarnermi pingaaruteqartut ilagaat kapitalit naanerini tamani ungalulik sammineqartassammat. Piffissamik naammattumik apeqqutinut allassimaffinnullu ungalulimmiittunik sammisaqarnissamut immikkoortitsisariaqarpoq.
Atuaqqissaaqatigiinnermik aqutsisut kajumissaarneqarput atuaqqissaarutigineqartussamik piareersarluarnissaannik eqqumaffiginneqqullugit, gruppiniittartullu tamaasa, aamma nutaat, taamatuttaaq kajumissaassallugit piareersarluartaqqullugit ataatsimiinnernut tamanut najuullutillu peqataasaqqullugit. — om 72-4.