Esajap siulittuutaanik atuaqqissaarnissannut piareersarit!

¹ Jehovamut ilumoortuartut ilimagisinnaavaat naapertuilluassutsip piumasarisaa ullormik ataatsimik sinnerlugu, Satanip silarsuaa atatinnavianngikkaa. Ilaa, eqqarsaat qiimmaallannaq? Tamanna sumi atuarneqarsinnaava? Esajas’ profeti — et lys for alle mennesker I–mi. (kalaallisuunngortitaanngitsoq) Esajap siulittuutaani taamatut eqqarsarnissatsinnik tunngavissaqarpugut? Aap, annannissaq pillugu paasiuminartumik erseqqissumillu atuakkami siulittuutaasumi allanneqarsimavoq. (Es. 25:9) Taamaattumik angerlarsimaffimmi atuakkamik atuaqqissaarnermi, Guutip oqaasiini siulittuutit ilai atuaqqissaarluartarutsigit uagutsinnut kaammattuutaalluassaaq. Iluaqutigiumallugu sapaatip akunneri tamaasa atuaqqissaarnermi najuuttassavit? Najuunnissatsinnut suut pissutissaalluarpat?

² Esaja 30:20-mi Jehova „ajoqersorti“-mik taaneqarpoq. Kristumiut tamarmik tusarnaarluaqqissaartariaqarput Jehovap oqaatsiminik allassimasuni biibililersaarutinillu „kiffaq ilumoortoq silatoorlu“ aqqutigalugu saqqummersissimasaannik ajoqersoraangamitigut. (Matt. 24:45; Es. 48:17, 18) Pingaarnerusumik Esajas’ profeti — et lys for alle mennesker I-mi ajoqersorneqarneq pingaaruteqarpoq. Qanoq ilillutit atuaqqissaarnerit pissarsiaqaatigilluarsinnaaviuk?

³ Akinissannut piareersarit: Sapaatip akunneri tamaasa piareersarnissannut piffissaqarluartarit. Sammisassarineqartut immikkoortumiit immikkoortumut atuartakkit. Apeqqutai eqqarsaatigisakkit. Akissutai atuakkami titartakkit. Esajap allagaani versit issuarneqartut silittunik naqinneqarsimapput. Atuaqqissaartakkit. Innersuussutigineqartut tamaasa quppertakkit atuakkatsinnullu qanoq attuumassuteqarnersut maluginiartakkit. Ilinniakkatit isumaliutigeqqissaakkit. Angerlarsimaffimmi atuakkamik atuaqqissaaqatigisatit piareersaravit paasisannik avitseqatigikkit.

⁴ Atuaqqissarnermi aqutsisup, najuuttut Biibilimik atuilluarnissaannik atuakkallu qanoq iluaqutigisinnaaneranik paasitissallugit ikiussavai. Siulliulluni akisup akissutaa naatsuusariaqarpoq erseqqillunilu. Taava allat akissutaa itisilernerusinnaavaat. Immaqa allassimaffiup alajangersimasup qulequttamik erseqqisaanera eqqaaneqarsinnaavoq. Nammineq oqaatsinnik akiniartarit peqataanerillu nuannaarutigiuk.

⁵ Tamatta piumassuseqarluarluta oqariartuutit pingaarutillit Esajap allagaaniittut misissorniartigit. Taamaasilluta ullut tamaasa Jehovap saammaassinissa isumalluarfigisinnaassavarput. — Es. 30:18.