Nutaarsiassaq nuannersoq Internetimi

Ukiuni makkunani elektroniskiusunik atortoqarfiusuni elektronikki atorlugu paasissutissanik aallersoqarsinnaavoq, ilaatigut Internet atorlugu. Taamaattumik Peqatigiiffik Jehovap Nalunaajaasuisa upperisaat suliaallu pillugit paasissutissanik eqqortunik Internetimut ikkussisimavoq.

Internetimi adresserput imaappoq: http://www.watchtower.org, tassanilu nassaarineqarsinnaapput naqitaaqqat, atuagassiaaqqat aamma allaaserisat Napasuliaq Alapernaasuiffik-meersut Iteritsi!-meersullu oqaatsini ukunani: tuluttut, Kinamiusut, russisut, Spaniamiusut, tyskisut oqaatsinilu allani. Atuagassiat tassani Web-adressemiittut ilagiit aqqutigalugit pineqarsinnaareerput oqaluussinermilu atorneqarlutik. Atuagassianik nutaanik saqqummersitsivittut tamanna atorniarneqanngilaq, paasissutissalli elektronikki aqqutigalugu tamanut piniarneqarsinnaanngorniarneqarput. Pisariaqanngilaq ataasiakkaat namminersorlutik Jehovap Nalunaajaasui, suliniutivut upperisarpullu pillugit qupperniliornissaat. Tamanut ammasunngorlugu qupperniliaq paasisaqarusuttunut tamanut paasissutissanik eqqorluartunik imaqarpoq.

Qupperneq elektronikki aqqutigalugu allaffigineqarsinnaanngilaq (e-mail), silarsuarmili sumiiffinni assigiinngitsuni immikkoortortaqarfiit adressiinik imaqarpoq. Taamaalilluni soqutiginnittut paasissutissanik amerlanerusunik piniarlutik allassinnaapput Jehovap nalunaajaasuinilluunniit pulaarneqaqqusinnaallutik. Internet-adresse qulaani taaneqartoq elektronikki aqqutigalugu sallusuissummik Biibilimeersumik ilinniarusuttunut tamanut tunniussinnaavat.