Nittartagarput — oqaluussinermi atoruk
Nittartagaq inunnut takutiguk: Inuit uagutsinnik oqaloqateqarnissaminnut imaluunniit atuagassianik tigusinissaminnut nangaasut Jehovap Nalunaajaasui pillugit jw.org-imi angerlarsimaffimminni misissuiumasinnaapput. Taamaattumik periarfissat tamaasa atorlugit nittartagarput pillugu inuit oqaluttuutikkit.
Apeqqutit akikkit: Ilaatigooriarlutik pulaagaq, soqutiginnittoq imaluunniit ilisarisimasaq Jehovap Nalunaajaasui pillugit upperisarpulluunniit pillugu apeqquteqartarput. Angallattagaq elektroniskiusoq imaluunniit qarasaasiaq atorlugu apeqqutimik akissutaa ingerlaannaq takutiguk. Allassimaffiit innersuussutigineqartut Biibilimiit atuarlugit pitsaanerpaasarpoq. Internettimut atassuteqanngikkuit, pulaagaq nassuiaassinnaavat jw.org-imi akissutaa nammineerluni qanoq nassaarisinnaaneraa. — “Bibelens lære/Svar på bibelske spørgsmål” imaluunniit “Om os/Ofte stillede spørgsmål” tuukkit.
Allaaserisaq imaluunniit Biibililersaarut ilisarisimasannut nassiuguk: Pdf downloadigaq imaluunniit ePub e-mailimut akkiussaq nassiuguk. Atuagassarluunniit tusarnaagassaq downloaderiarlugu cd-nngortissinnaavat. Kuisinneqanngitsumut atuakkamik, atuagassiaaqqamik atuagassianilluunniit elektroniskiusunik tunisigaangavit qaammammut nalunaarummut nalunaarsorsinnaavat. Atuagassat atsiorneqaratik imaluunniit amerlasoorsuanngorlugit nassiunneqassanngillat. Aamma nittartakkanut allanut nittarsaanneqatassanngillat. — “Atuagassat allallu” tooruk.
Jehovap Nalunaajaasui pillugit paasisat kingulliit takutikkit: Tamatuma silarsuarmi tamarmi suliarput kristumiutullu ataasiussuseqarnerput pillugit atuaqqissaaqatit allalluunniit paasinninnissaannut ikiorsinnaavaat. (Tuss 133:1) — “Nyheder” tooruk.
[Qupp. 5-mi diagrammi]
(Allassimasut qanoq inissisimanersut naqitami takuneqarsinnaavoq)
Misiliguk
1 “Atuagassat allallu” toorukku downloadererusutat nanissavat, atuarniarlugu tusarnaaniarlugulluunniit formati atorusutat toqqaruk.
2 “MP3” toorukku qulequttat nuissapput. Allaaserisaq downloadererniarlugu qulequtaa toqqaruk imaluunniit tusarnaarniarlugu ▸ tooruk.
3 Allamiut oqaasiinik atuagassanik downloadererusukkuit oqaatsit qinikkit.