Nittartagarput — uagutsinnut allanullu iluaqutaasoq
Jiisusip peqquaatigut naalagaaffik pillugu nutaarsiassaq nuannersoq ‘silarsuarmi tamarmi oqaluussissutigeqqullugu inuiannut tamanut nalujunnaarsillugu’. (Matt 24:14) ‘Kiffartuutitta naammasinissaanut’ ikiorniarluta watchtower.org, jw-media.org aamma jw.org jw.org-imut nutarterlugu ataatsimoortinneqarsimapput. — 2 Tim 4:5.
“Silarsuarmi tamarmi”: Nunarsuarmi inuit pingajorarterutaasa internetti atortarpaat. Amerlasuunut paasissutissiivinngorsimavoq pingaarneq pingaartumik inuusuttunut. Internettimik atuisartut Biibilimut tunngasunik apeqqutiminnut akissutit eqqortut nittartakkatsinni pissarsiarisinnaavaat. Jehovap peqatigiissortaanut aqqutissiuussisuuvoq ajornannginnerusumillu akeqanngitsumik Biibilimik atuaqqissaaqatigineqarnissartik piumasarisinnaallugu. Taamaalilluni nunarsuarmi inunnut naalagaaffimmik tusarliussamik tusarnissaminnut periarfissaqarpianngitsunut anngussinnaavoq.
“Inuiannut tamanut”: “Inuiannut tamanut” nalunaajaatigineqassappat Biibilimi ajoqersuutit ilumoortut oqaatsinut assiginngitsunut saqqummiuttariaqarpavut. Nittartakkanit allanit allaanerussutigalugu jw.org-imut pulaartut ajornanngitsumik paasissutissat oqaatsinut 400-t missaannut allanneqarsimasut nassaarisinnaavaat.
Atorluaruk: Nittartagaq jw.org nutarterneqarsimasoq allamik upperisalinnuinnarnit atorneqarnissaa siunertaanngilaq. Aamma Jehovap nalunaajaasuinik atorneqartartussanngorlugu sanaajuvoq. Internettimik atuinissamut periarfissaqaruit kajumissaassavatsigit jw.org atornissaanut sungiussiniaqqullutit. Qanoq atorneqarnissaanut siunnersuutit aajuku. (Jw.org-imiittut ilaat kalaallisuunngortinneqarsimapput. Nittartagaq tamakkerlugu atuarusukkaanni danskisut oqaatsit toqqarneqarsinnaapput).
[Qupp. 3-mi diagrammi]
(Allassimasut qanoq inissisimanersut naqitami takuneqarsinnaavoq)
Misiliguk
1 www.pr2711.com qarasaasianni internettip browserip allaffissartaanut allaguk.
2 Nittartakkap saqqaani quppigassaq tooruk qulequtaaqqat arlaat tooruk takorusutallu toorlugu.
3 Jw.org mobilinni elektroniskiusuniluunniit angallattakkani allani misiliguk. Assiliartaata inissititerneri skærminut mikinerusunut tulluarsarsinnaapput paasissutissalli assigiiginnarput.