’Uininnut qisummik kappusimasoqarpa’?
1 Nutaarsiassamik nuannersumik oqaluussinissamik peqqussutip sapinngisarput naapertorlugu naalannissaa tamatta kissaatigaarput. Taamaakkaluartoq amerlasuut oqaluussinermi kissaatigisamissut annertutigisumik peqataanissartik ajornakusoortippaat, ilungersunartumik nappaateqarneq innarluuteqarnerluunniit akornutigigamikku. Allat qanoq suliniuteqartut tamakkiisumillu kiffartortut takugaangamikkik ilaannikkut nikallortarnerup qaangerniarnera qularnanngitsumik unamminiarnartuutissinnaavaat. — 1 Kor. 9:16.
2 Maligassiuilluartoq: Apustili Paulus ’qisummik uinimminut kappusimasumik’ sorsuutiginnittariaqarsimavoq. Naalliuut tamanna, ’Satanip inngilianik’ taasani imminik ’tilluaasoq’, peeqqullugu pingasoriarluni Jehovamut ilungersorluni qinusarsimavoq. Taamaakkaluartoq Paulus nikallunngilaq kiffartornermillu ulapputeqarluni. Imminut naakkigilinngilaq, pissutsillu atukkani naammagittaalliutigiuaannanngilai. Sapinngisaminik iliorpoq. Ikiortigisaa, qiimmassaatigisaa pissatsissutigisaalu tassaavoq Guutip neriorsuutigisimasaa: ’Saammaanera naammagissavat pissaaneq sanngiitsuni naammatsittarmat.’ Paulusip pissutsit atukkami akuerinissaat aamma Jehovap anersaallu illernartup tatiginissaat ilikkaramiuk sanngiissutini nakuussutigilerpaa. — 2 Kor. 12:7-10.
3 Aamma illit nikallujuissinnaavutit: Peqqiilliornerit Guutimut kiffartornernut akornutaava? Taamaappat Paulusip isiginnittaasiatut isiginnittaaseqalertariaqarputit. Naak nappaatit innarluutilluunniit maannakkut suneqarsinnaanngikkaluartoq tamakkiisumik Jehovamut tatiginnissinnaavutit, pisariaqartitatimmi nalunngilai ’pissaanermillu angingaartumik’ tunissavaatit. (2 Kor. 4:7) Ilagiinni ikiuisinnaasut atukkit immikkoorniaqinallu. (Uss. 18:1) Illumiit illumut oqaluussineq ajornakusoortikkukku torrutiinnarlugu oqarasuaatikkulluunniit oqaluussineq eqqumaffigisinnaavat.
4 Naak ’qisummik uinimmut kappusimasoqarnera’ kiffartornermi periarfissannik immaqa killilersuigaluartoq, avataaniittutut misigisariaqanngilatit. Nukitit pissutsillu atukkatit naapertorlugit iliuuseqarnikkut Paulusitut ’Guutip saammanneranik iivangkiiliu nalunaajaassutigisinnaavat’. (ap. sul. 20:24) Sapinngisat naapertorlugu kiffartorniarninni, qularutiginngissinnaavat Jehovap nuannaarutigigaatit. — Epr. 6:10.