Brochurit ikiortigalugit isumakkut uummatikkullu kajumissaarisa
1 Sallusuissut Biibilimeersoq isumakkut uummatikkullu kajumissisitsisumik saqqummiunneqartariaqarpoq. Jesusip tusarnaartini sallusuissummik oqaluttuukkaangamigit taakkununnga soqutiginartut kajumissinartullu eqqartortarsimavai. (Lúk. 24:17, 27, 32, 45) Tusarnaartitta anersaakkut pisariaqartitaat suunersut paasiniarlugit qanoq atsigisumik iliuuseqarnerput oqaluussinitsinni angusaqarluarnissatsinnut annertuumik aalajangiisuusarpoq.
2 Oqaluussinermi naapitatta isumaasigut uummataasigullu killinniarneranni brochurit iluaqutaasinnaasorujussuupput. Brochurini aggustimi neqeroorutissatsinni tusarliussamut ajunngitsumik qisuariassangatinnartut siumut eqqarsaatigeriikkit.
— Guutip ilumut soqutigaatigut? Inuit aningaasatigut atugarliuuteqarsimasut inuunerminniluunniit annertuumik ajornartorsiuteqarsimasut siunissamik naalliunnartoqanngitsumik tusarliussaq tuppallernartoq qujamasuutigissavaat.
— Inuuneq sumik siunertaqarpa? Qanoq ililluni nanineqarsinnaava? Inuusuttut siunissaminnik isumaliutiginnileruttortut akissutit Biibilimeersut brochurimi tassani saqqummiunneqartut iluaqutigissavaat.
— nuname inûneĸ nâgssáungitsumik nuánârutigiuk! Assiliartarpassuit Biibilimillu issuagarpassuit meeqqat atuffarluttullu Guutip siunertaanik paasisaqarnissaminnut iluaqutigissavaat.
— nâlagauvfik pâratîsimik pilersitsiumârtugssaĸ. Inuit naalakkersut silarsuarmi ajornartorsiutinik aaqqiiumaarnissaannik isumalluarfiginnittut immaqa Guutip naalagaaffiata inuiaat ajornartorsiutaannik aaqqikkuminaatsunik aaqqiiumaarnissaanik tusarliussamut ajunngitsumik qisuariassapput.
— Asasamik toqusoqaraangat. Qanimut ikinngutiminnik ilaquttaminnilluunniit toqusoorsimasunik oqaluussinermi naapitaqaraanni brochuri taanna naleqquttuuvoq. Toqusunik ilisisartorpassuit brochuri taanna qimagaasunut piukkullugu qujaruttarpaat. Oqaluussisartut iliveqarfinni nalunaajaasartut brochuri taanna atorlugu aliasuttut tuppallersarniartarpaat. Qatanngutit arnat marluk ilaqutariit arfineq-marlunnik inoqutillit ilerrup eqqaani qinusut ornissimavaat. Brochurimi tusarliussaq atorlugu ilaqutariit tuppallersarpaat, tamatumalu kingunerisaanik aqaguani anaanaasoq Biibilimik atuaqqissaaqatigineqartalerpoq.
— Skal man tro på treenigheden? Kristumiuunerartut ajoqersuutaasa tunngaviusut brochurimi tassani qulaarneqarnerat tunngaveqarluartoq immaqa inuit upperniartorujussuit qisuariarfigissavaat.
3 Brochurit tamaasa iserfigilluarniakkit, eqqarsaatigalugulu oqaluussinermi qanoq pitsaanerpaamik atorneqarsinnaanersut. Tamakkuninnga saqqummiusseriaatsit assigiinngitsut Guutip Naalagaaffianut Kiffartorneq-rup juuli 1998-imoortup tunuani nassaassaapput. Oqaluussiffigisavut isumakkut uummatikkullu killinniarlugit ilungersuutivut Jehovap pilluaqqussavai. — Mák. 6:34.