Apeqquteqartarfik

◼ Atuakkat suut nutaat peqatigalugit kuisinnginneranni atuaqqissaaqatigiissutigineqartariaqarpat?

Inuk Jehovamut tunniulluinnarlunilu kuisitinnani eqqorluartumik ilisimasaqartariaqarpoq. (Juá. 17:3) Ilisarsineq tamanna pigiliussinnaavaa atuagassiaaraq Guutip sumik piumaffigaatigut? aamma atuagaq Ilisarsineq inuunermut naassaanngitsumut sammisoq atuaqqissaarnerisigut. Amerlanertigut atuagassiaaraq atuaqqissaaqatigiissutigineqaqqaartariaqarpoq. Atuagarli ’Ilisarsineq’ atorlugu atuaqqissaaqatigiinneq aallartinneqarsimappat taava tulliullugu Guutip sumik piumaffigaatigut? atuaqqissaaqatigiissutigineqassaaq. Sooq tamanna pisariaqarpa?

Atuagassiaaqqami Biibilimi ajoqersuutigineqartut tunngaviunerusut sammineqarput. Taanna siulliullugu atuaqqissaaqatigiissutigineqaarpat ilinniartup Jehovamit iluarisaassagaanni suut piumasarineqartut tunngaviusumik paasissavai. Kingulliulluguli atuaqqissaarneqarpat atuakkami ’Ilisarsinermi’ sammineqarsimasunik uteqqiinerussaaq pitsaasoq. Tamatigut ilinniartoq kajumissaarneqartariaqarpoq allassimaffiit innersuussutigineqartut atuarnissaannut eqqarsaatigeqqissaarnissaannullu. Aamma atuagassiaaqqap assiliartai pingaartinneqartariaqarput ilinniutissatut pitsaalluinnarmata. — Takuuk Napasuliaq Alapernaarsuiffik-mi 1. februaari 1997-imoortumi, quppernerit 8 9-lu.

Ilinniartup atuagassiaaraq atuagarlu atuaqqissaareerunigit immaqa utoqqaanertat kuisinneq sioqqullugu apeqqutigisartagaat tamaasa akisinnaassavai. Akisinnaagunigit atuakkamik allamik atuaqqissaaqatigineqaqqinnissaa pisariaqassanngilaq, atuaqqissaaqatiginnissimasulli soorunami suli ilinniartup anersaakkut siumukarnissaa soqutigissavaa. — Takuuk Vagttårnet 15. januaari 1996-imoortoq, qupperneq 14, aamma Napasuliaq Alapernaarsuiffik 1. februaari 1996-imoortoq, quppernerit 11 aamma 12.