Ajunngitsuliornikkut Jehova naalannartiguk
1 Silarlutillugu oqquiffissarsigaanni iluallaaraaq. Inoroorsaartuni kialaartumik toqqissisimanartumillu oqquiffissarsigaanni nuannertaqaaq. Inuit Saatanip silarsuaanut illersuutissaqartinniarlugit nutaarsiassamik nuannersumik oqaluussiffigineqarlutik ikiorneqarneqartarput. Inuit tassunga qimarnguiffissarsitinniarlugit ulluinnarni pissusilersornerput taperseeqataava? Aap, Jiisusimi oqarpoq inuit ’suliavut ajunngitsut takujumaaraat Ataatarpullu qilanniittoq unnersiutigilerlugu.’ — Mat. 5:16.
2 Pissusilersornerput qanoq ililluni allat Jehovamut taassumalu peqatigiissortaanut kajungilernissaannut taperseeqataasinnaava? Jiisusip Lukas 6:31-mi 10:27-milu kajumissaarutaasa ullut tamaasa maleruarnerisigut. Tamatuma inoqatitta asannittumik isumassornissaannut kajumilersissavaatigut, tamannalu silarsuarmit matumannga asanniuitsumit allaanerulissutigissavarput.
3 Qatanngutip arnap ikaartaammut ilaatilluni malugaa anaanaq inuusuttoq merianngungaarami qitornami mikisup isumaginissaanut saperluinnalersoq. Qatanngut arnaq meeraq paariumallugu neqeroorpoq. Arnap aperimmani qanoq qujaffigissaneraa qatanngutip akivaa: ’Jehovap Nalunaajaasuisa pulaaqqippatit tusarnaarnerisigut.’ Taamaaliorporlu, maanna uinilu Jehovamut nalunaajaasunngorput. Tassa ajunngitsiliortoqartariaqarpoq taakkua Guutip naalagaaffia pillugu tusagassaq tusassappassuk.
4 Inuunitsinni suut tamaasa pineqarput: Inuit najukkatsinni, suliffitsinni, atuarfitsinni sumiluunniillu sukisaarsaarfigisartakkatsinni ulluinnarni pissusilersuutivut tunngavigalugit pilluta upperisarpullu isummerfigisarpaat. Taamaattumik immitsinnut aperisariaqarpugut: ’Allat qanoq ilaquttakkalu isigaatigut? Sanilitta angerlarsimaffitsinni eqqatsinnilu paarinnilluarnerarpaatigut? Suliffitsinni atuarfitsinniluunniit eqqortitsilluartutut sulilluartutullu ilisimaneqarpugut? Ingasaassisuunngitsuusugut ataqqinnituusugullu isikkutsigut ersippa? Iliuutsitta guutisiornerput allanut qanillattoruminartunngortissinnaavaa.
5 Petrusip kristumiut mitaatigineqartarumaarnerannut paasitippai. (1 Pet. 4:4) Qulakkeertariaqarparput inooriaasitta kusanaatsumik isornartorsiortitsilinnginnissaa. (1 Pet. 2:12) Ulluinnarni iliuutsitsigut guutisiorfigisarput naalannartinneqarpat qaamasutut qaammassaagut allallu Jehovap qimarnguiffiliaanut toqqissisimanartumut kajungilersissavavut. — Mat. 5:14-16.