Ataatsimeersuaararnissamut saqummiussassat nutaat

Septembarimiit ataatsimeersuaararnerit una qulequtarissavaat: „Guutip inassutai maleruakkit inuuginnarlutillu“. (Uss. 4:4) Saqqummiussassat erseqqissassavaat sooq Guutip inassutaanut naalanneq artornanngitsoq. Aammattaaq takutinneqassaaq qanoq ililluni Guutip piumasaatut iliornerup pillualersissinnaagaatigut nutaanillu nukissaqalersissinnaalluta siunissamullu neriuuteqalersissinnaalluta. — Mat. 11:28-30; Juá. 13:17.

Kristusip peqqussutaanut naalallutik ataatsimeersuarnermi kuisikkusuttut nakkutilliisumut siulittaasumut saaffiginnittariaqarput; taava taassuma piareersaatit pisariaqartut eqqaassavai. — Mat. 28:19, 20.

Oqalugiaatit ataqatigiit atoriaannaasunik siunnersuuteqassapput qanoq ililluta Guuti qatanngutivullu asanninnermik nittaavigisinnaanerivut. (Juá. 13:24, 25; 1 Juá. 5:3) Saqqummiussassat aamma imarissavaat Tussiaat 19-imi aamma 119-imi asannittumik unnersuussutit. Tussiaatini tamakkunani kajumissaarutit isumassarsiarititaasut ukiut tusindilikkuutaat matuma siorna allanneqarsimapput, takussavarpulli qanoq ililluta ullumikkut iluaqutigisinnaanerlutigik.

Ilagiippassuarnik nakkutilliisup angalasartup oqalugiaataa tamanut ammasoq ima qulequtaqarpoq: „Guuti mianeruuk inatsisaalu maleruarlugit“. (Nal. oq. 12:13) Ilagiinnik nakkutilliisup angalasartup naggataarutaasumik oqalugiaataata takutissavaa qanoq ilillutik inuusuttut maanna pitsaanerpaamik inuusinnaanersut, aamma sooq naassaanngitsumik siunissaqarsinnaallutik isumalluarsinnaasut. Naggataatigut ilagiippassuarnik nakkutilliisup angalasartup asanninnerup ’inatsisaata akimanertaata’ maleruarnerata pitsaaqutai taagussavai. (Jâko 2:8) Ataatsimeersuarnermi saqqummiussassat tamakku tassaapput arlaannattaluunniit tusanngitsoorusunngisai.