„Qanoq ilillunga piffissaqarfigissavakka?“
1 Amerlasuujusugut taama oqartarpugut, pisassaqartuarpugummi. Oqartoqarsimavoq pisassatsinnit piffissaq naleqarnerpaajullunilu qaangiutiaarnerpaajusartoq. Taamaammat qanoq ililluta pingaarutilivissunut, soorlu atuarnissamut Guutillu oqaasianik atuaqqissaarnissamut piffissarsisinnaavugut? — Fil. 1:10
2 Piffissaqarnerulerneq aaqqiissutissaanngilaq, piffissattali qanoq atorneqarnissaata aalajangernisssaa apeqqutaavoq. Tamatta sapaatip-akunneranut akunnernit 168-nit periarfissaqarpugut, akunnerillu 100-t sininnermut sulinermullu atortarunarpavut. Taava, qanoq ililluta akunnerit sinneruttut atorluarniarsinnaavavut? Efesosimiut 5:15-17-mi kajumissaarneqarpugut: ’Sianiginiarsiuk qanoq inuunersusi, siuneqanngitsutut pinnasi, siuneqartutulli iliorlusi. Piffissaqqissoq atorniarsiuk, paasiniarsiullu suna Naalakkap piumasarigaa’. Ersarippoq Periarfissat tamarluinnaasa Jehovap pingaartitaanik iliuuseqartarnissaq pisariaqartoq.
3 Jiisusip nalerput Noa-p ulluinut asersuuppaa. (Luk. 17:26, 27) Taamani inuit ullormi suliassanik ulapputeqarput. Noali umiarsualiornissamut oqaluussinissamullu piffissaqarpoq. (Hebr. 11:7; 2 Pet. 2:5) Qanoq ililluni taamaaliornissaminut piffissaqarami? Guutip piumasaa salliutillugu ’peqqusineratorluinnaq iliorluni’. — 1 Mos. 6:22.
4 Suna salliunneqartariaqarpa? Jiisusi oqarpoq: „Inuup timiusaannaq inuussutissarinngilaa, oqaaserli sunaluunniit Guutip qarnanit anisoq.“ (Matt. 4:4) Sapaatit-akunneri tamarluinnaasa anersaakkut ’nerisassanik piffissaq eqqorlugu’ tunineqartarpugut. (Luk. 12:42) Tamakkiisumik pissaqarfigilluassagutsigu aalajangersimasumik atuartarnissamut atuaqqissarnissamullu pilersaarusiornissaq pisariaqarpoq. Anersaakkut nerisassat qujamasuutigigutsigit, nerisassatut piareersimasutut isigiinnassanngilavut. Akerlianilli pingaartitsigutta atuaqqissaarnissamut piffissaqassagut anersaakkullu nerisassat mamarsaatigalugit.
5 Anersaakkut inuussutissanik nerineq inuunermik naassaanngitsumik kinguneqassaaq. (Joh. 17:3) Taamaattumik ulluinnarni pilersaarutitsinni salliunneqartariaqarpoq. Ullut tamaasa Biibilimi atuarnissamut kristumiullu ataatsimiinerannut piareersarnissamut piffissarsisinnaavugut? Aap, taamaaliorsinnaavugut. Akissarseqataangaarnissarput Guutimik ilisarsinermut piumasaanillu iliornermut attuumassuteqarpoq.