’Tamanut ajunngitsuliorta’
1 Naalagaaffimmik Kiffartorneq-mi februaarimi marsimilu 2002-moortuni allaaserisaqarpoq qulequtalinnik ’Guutip oqaasia tamkkiisumiik oqaluussissutiguuk’ aamma ’ajunngitsulianik pisuunngorit’. (Kol 1:25; 1 Tim 6:18) Allaaserisani taakkunani soqutiginnittut eqqaaniaalluni nalliuttorsiornermut peqataanissaannik, unittooqqasut ilagiinni peqataanerulernissaannik, aammalu meeqqavut Biibilimillu atuaqqissaaqatigisartakkavut tusagassamik nuannersumik oqaluussisartunngornissaannut ikioqqullugit kajumissaarneqarpugut. Qularnanngitsumik suliniutit tamakkua kinguneqarlualereersimassapput. ’Taamaattumik piffissaqarallartilluta tamanut ajunngitsulior[tuaan]narta, pingaartumik uppeqatitsinnut.’ — Gal 6:10.
2 Qaaqqoqqissigit: Nunatsinni oqaluussisartut amerlaqataat ukiut tamaasa eqqaaniaalluni nalliuttorsiornermut peqataasarput. Najuunnerat soqutiginninnerannut ersiutaavoq, taavami „inuunermik naassaanngitsumik eqqortumik isumaqarfiginnittut“ ’uppertunngortinnialugit’ qanoq iliussaagut? (ApS 13:48 NV) Ilagiit ataatsimiinnerinut piaartumik aggeqqinnissaannik kajumissaarsinnaavavut.
3 Soormi soqutiginnittoq ilagiit atuakkamik atuaqatigiinnerannut Esajap siulittuutaanik soqutiginartumik samisaqarnitsinnut qaaqqugukku? Soqutiginnittoq inuttut ilisarisimagukku Teokratiimik Atuarfimmi pissassaqaruit saqqummiinissannut tusarnaariaqqusinnaavat. Sapaatip-akunnerini tulliuttuni tamanut ammasumik oqalugiaatissat qulequtaannik oqaluttuussinnaavat. (Oqalugiaatissat allattorsimaffiinik nivinngaavimmiittoqartariaqarpoq.) Periarfissat tamaasa atorlugit soqutiginnittoq Jehovamik pallorfigininnisamut kissaateqalersinniarsariuk. Ilagiinnittumik Biibilimik atuaqqissaaqatigineqartalereersimanngippat neqeroorfigisinnaavat.
4 Unittooqqasut kajumissaartuarsigit: Eqqaaniaalluni nalliuttorsioqataasut amerlanerit Jehovamut tunniulluinnareersimapput, tusagassamilluunniit nuannersumik oqaluussisarunnaasimagaluarunik. Paulusip kajumissaarpaatigut ’tamanut ajunngitsulioqqulluta, pingaartumik uppeqatitsinnut.’ (Gal 6:10) Pingaartumik unittooqqasut soqutigineqartariaqarput.
5 Immaqa ilaasa utoqqaanertanit allanillu oqaluusseqataaqqilernissamik kajumissaarneqarnertik qisuariarfigereersimavaat. Utoqqaanertanit qinnuigineqarsimaguit oqaluusseqataaleqqikkusutoq suleqatigeqqullugu, eqqaamajuk Jehovamut oqaluussinermullu asanninnerit suleqatigisannut sapiissuseqalersitseqataammat. Kiffartoriaatsini assigiinngitsuni oqaluusseqatigiuk nuannaarutigilerniassammagu oqaluussiuaannalerlunilu taamaalilluni Jehovap pilluaqqusinera malugalugu.
6 Oqaluussisartunngorlaaq aallarniisilluaruk: Arnap soqutiginnilerlaap Guutip peqatigiiffia ilumoortoq nanillugu paasigamiuk, ingerlaannaq oqaluusseqataajumalerpoq. Piumasaqaataasut suunerannik utoqqaanertat nassuiaammanni, oqarpoq: „Tamanna iliuuseqarfigipallattariaqarpara.“ Biibilimik atuaqqissaaqatigisartakkat oqaluussisartunngornissaminut piukkunnarsarusuppat, taava aallartiluarsinnaaniassammat maannaangaaq pissutsinik atukkaminik iluarsaalluni ’iliuuseqarpallattariaqarneranik’ paasitiguk. Sapaatip-akunneri tamaasa oqaluussinissamut piareersarluarsimasarniassammat pilersaarusioqatigiuk.
7 Illit meeqqat qanittumi oqaluussisartunngorsimappat, ukiui piginnaanerilu naapertorlugit siumukarsinnaaqqullugu suleqatigiuk. Immaqa tupaallaatigissavat ikiorneqalaaginnaruni oqaloqatiginninermut, Biibilimik atuinermut atuagassianilluunniit neqerooruteqarnermut pikkoriluinnarnera. Oqaluussinermi iluatitsilluarsimappat, qanoq pulaaqqiisoqartarneranik soqutiginninnerullu malinnaaffiginissaanik ajoqersuuguk.
8 Oqaluussinerulerit: Eqqaaniaalluni nalliuttorsioreernerup kingorna oqaluussinerulersinnavit? Sapaatip-akunneri tamaasa nalunaaquttap akunneranik ataatsimik marlunnilluunniit oqaluussinerusinnaavit? Qaqugu ikiorti-pionerioqissinnaanerlutit ullorsiutitit misissorpigit? Imaluunniit piffisaq tamaat kiffartulersinnaajumallutit atukkatit allanngortissinnaavigit? Oqaluussinermi ilungersornitta allat sallusuissumik ilassinnitsissinnaavai. (ApS 8:26-39) Siumut isigiitigaluta ’noqqaassutiginiartigu akornatsinni tamanullu ajunngitsuliornissaq’. — 1 Thess 5:15.
[Qupp. 3-mi ungalusaq]
Ikiorsigit:
□✔ Eqqaaniaalluni nalliuttorsiornermut najuuttut
□✔ Oqaluusseqqittalersimasut
□✔ Oqaluusisartunngorlaat