(1) Apeqqut, (2) allassimaffik aamma (3) kapitali
Atuagaq Biibilimi sorpiaat ajoqersuutigineqarpat? pisariitsumik neqeroorutigineqarsinnaavoq (1) eqqarsalernartumik aperinikkut, (2) allassimaffimmik naleqquttumik atuarnikkut aamma (3) pineqartoq pillugu atuakkami kapitalimik takutitsinikkut, aamma apeqqutit aallaqqaataatungaaniittut kapitalip qulequtaata ataaniittut atuarlugit. Pulaarneqartoq soqutiginnippat kapitalimi immikkoortut siulliit atorlugit qanoq ililluni Biibilimik atuaqqissaaqatigiittoqartarnersoq takutissinnaavat. Taamatut pulaaqqaarnermi pulaaqqiinermiluunniit atuaqqissaaqateqartoqalersinnaavoq.
◼ “Isumaqarpit uagut inuinnannguakkuluit Guutimik ajugaqanngitsumik ilisarisimannilersinnaasugut, Biibilimi allaatigineqartutut?” Atuakkit Apustilit Suliaat 17:26, 27, pulaakkallu oqaaseqarli. Taava kapitali 1 takutiguk.
◼ “Ajornartorsiutit ullumikkut atukkavut eqqarsaatigalugit pisariaqartipparput tuppallersarneqarnissaq neriuuteqarnissarlu, ilaa? Suna tuppallersaatigineqarsinnaava?” Atuaruk Romamiut 15:4, pulaakkallu oqaaseqarli. Taava kapitali 2 takutiguk.
◼ “Pissaaneqartuuguit pissutsit matumani allaatigineqartutut allanngortikkusussagaluarpigit?” Atuaruk Saqqummersitat 21:4, pulaakkallu oqaaseqarli. Taava kapitali 3 takutiguk.
◼ “Isumaqarpit meeqqatta pissutsit uku tussiaammi matumani allaatigineqartut nuannaarutigiumaaraat?” Atuakkit Tussiaat 37:10, 11, pulaakkallu oqaaseqarli. Taava kapitali 3 takutiguk.
◼ “Oqaatsit ukua piviusunngorfissaat upperaajuk?” Atuaruk Esaja 33:24, pulaakkallu oqaaseqarli. Taava kapitali 3 takutiguk.
◼ “Toqusimasut inuusut iliuusiinik ilisimasaqarsoraagit?” Pulaakkat oqaaseqarli. Taava atuaruk Oqaluussisartup oqaasii 9:5, kapitalilu 6 takutiguk.
◼ “Illit isumaqarpit toqukkut annaasavut Jiisusip versini ukunani neriorsuineratut takoqqissinnaassagivut?” Atuakkit Johannesi 5:28, 29, pulaakkallu oqaaseqarli. Taava kapitali 7 takutiguk.
◼ “Guutip piumasaa ataatarpuumi eqqartorneqartutut qilammisut nunamissaaq pisinnaassappat qanoq pisoqartariaqarpa?” Atuakkit Matthæusi 6:9, 10, pulaakkallu oqaaseqarli. Taava kapitali 8 takutiguk.
◼ “Isumaqarpit piffissami siulittuummi matumani allaatigineqartumi inuusugut?” Atuakkit 2 Timotheusi 3:1-4, pulaakkallu oqaaseqarli. Taava kapitali 9 takutiguk.
◼ “Inuppassuit eqqarsaatigisarpaat inuiaat ajornartorsiutaasa sooq ajorsiartuinnarnerat. Tamatumunnga suna pissutaasoraajuk?” Atuaruk Saqqummersitat 12:9, pulaakkallu oqaaseqarli. Taava kapitali 10 takutiguk.
◼ “Guutimut ima apererusunnikuuit?” Atuaruk Habakkuki 1:3, pulaakkallu oqaaseqarli. Taava kapitali 11 takutiguk.
◼ “Isumaqarpit siunnersuut una Biibilimeersoq ilaqutariittut pillualernissamut iluaqutaassasoq?” Atuaruk Efesosimiut 5:33, pulaakkallu oqaaseqarli. Taava kapitali 14 takutiguk.
Atuaqqissaariaatsip takutinneqarnerata kingorna marloriarluni atuaqqissaaqatigiittoqarsimappat, atuaqqissaaqatigiinnerullu ingerlatiinnarneqarsinnaanera ilimanarpat Biibilimik atuaqqissaaqateqarneq nalunaarutigineqarsinnaassaaq.