Biibililersaarutinik allamiut oqaasiinik piaartumik atorfissaqartitsiguit

Ilaatigooriarluta inunnik naapitsisarpugut oqaatsitik atorlugit biibililersaarutaatitsinnik, naalagaaffilersaarfiup toqqorsiviani piginngisatsinnik, atuarusuttunik. Ilisimaviuk interneteqaruit printereqarlutillu, nammineerlutit biibililersaarutit oqaatsinut 400-t missaaniittunut allanneqarsimasut pissarsiarisinnaallugit? Aajuna ilitsersuut:

• Nittartakkatsinnut tamanut iserfigineqarsinnaasumut, www.watchtower.org-imut iserit.

• Talerpiata tungaaniippoq oqaatsit ilaasa allattorsimaffiat. Oqaatsit atorneqarsinnaasut allattorsimaffiat saqqummersinniarlugu nunarsuup assinga tooruk.

• Oqaatsit atorfissaqartitatit toqqakkit. Biibililersaarutit pappialanngorlugit anisissinnaasatit, soorlu naqitaaqqat, atuagassiaaqqat allaaserisallu aalajangersimasut saqqummissapput. Oqaatsini toqqarsimasanni quppernermi qulequttat ilisarisinnaanngikkukkit ernumalissanngilatit.

• Allaaserisat ilaat tooruk. Atorniakkat qarasaasianni nuissaaq pisarnertullu pappialanngorlugu anisiinnarsinnaavat.

Nittartakkatsinni biibililersaarutit aalajangersimasut kisiisa pissarsiarineqarsinnaapput. Ilagiit aqqutigalugu amerlanerusunik pissarsiniartoqarsinnaavoq. Soqutiginnivissortumik naapitaqarsimaguit pitsaanerussaaq naalagaaffilersaarfimmi atuakkanik agguaasarfimmut biibililersaarutinik inniminniiguit.