Atuagassiaaraatitta ilaat pulaakkamut soqutiginarsinnaasoq neqeroorutigiuk

Akuttunngitsunik tusartarunarpat pulaagaq oqartoq biibililersaarut neqeroorutigissat pigereerini taamaakkaluartorli Biibilimik atuaqqissaarnissamut akuersisimanani. Qanoq iliussavit?

Soorunami atuagassianik nutaajunerusunik neqeroorfigisinnaavat. Immaqali aamma eqqarsaatigisinnaavat atuagassiaaqqap sorliup uummataa angusinnaaneraa. Qulequttat assigiinngitsorpassuit pisariaqarluinnartut atuagassiaaqqat sammivaat. Atuagassiaaqqat taakkua ilaata pulaakkap uummataa killissinnaassavaa. Taamaattumik, taskit poortulerukku atuagassiaaqqanik assigiinngitsunik arlaqartunik immeruk neqeroorutiginissaallu eqqaamallugit. Soqutiginninnera siuarsarniarlugu aggeqqinnissannik isumaqatigiissuteqarfigiuk. Immaqa piffissap ingerlanerani atuaqqissaarumalissaaq.

Aamma eqqarsaatigiuk atuagassianik aalajangersimasumik pajuttakkavit atuagassiaaraativut tamaasa pigineraat. Taamaanngippat, soormi atuagassianik pajunneri tamaasa, atuagassiaaraatitta tamaasa pigilernissaata tungaanut, ilanngullugit tunniuttarukkit? Immaqa atuagassiaaqqami qulequttat ilaata Biibilimik atuaqqissaaqatigineqalernissaanik killissavaa.