Saqqummiinermut siunnersuutit

Oktobarimi arfininngornermi siullermi Biibilimik atuaqqissaaqateqarneq qanoq aallartinneqarsinnaasoq

“Ulluni ajornartorsiorfiusuni makkunani ilaqutariittut tamatta tatineqarpugut. Ilaqutariittut pilluarluta inuunissatsinnut siunnersuutinik iluaqutigisinnaasatsinnik sumi nassaassaqarsoraajuk?” Pulaagaq akili. Vagttårnet 1. oktobarimoortoq pulaakkamut tunniuguk quppernermilu 16, 17-imilu quleqqutaaqqat ilaasa ataaniittoq allassimaffillu issuarneqarsimasoq minnerpaamik ataaseq sammillugu. Atuagassiat neqeroorutigikkit apeqqutillu ilaat oqaloqatigiissutiginiarlugu pulaaqqinnissannik isumaqatigiissuteqarfigalugu.

Napasuliaq Alapernaarsuiffik 1. oktobari

Atuagassiap saqqaa takutiguk aperalutillu. “Guuti pillugu salluliuunneqarsimallutit paasillugu qanoq misigissagaluarpit? [Pulaagaq akili.] Sallu eqqortorlu qanoq immikkoortinneqarsinnaanersut pillugit Jiisusip oqaasia maluginiariaruk. [Johannesi 17:17 atuaruk.] Biibilip kisiat Guuti pillugu eqqortumik oqaluttuussinnaavaatigut. Atuagassiap uuma Biibili iluaqutigalugu Guuti pillugu salluliuutit nalinginnaasut tallimat qulaarpai.”

Iteritsi! Oktobari

“Ilaqutariinnut iluaqutaasinnaasoq saqqummiukkusullugu kasuttorpugut. Angajoqqaanut meeqqaminnik perorsaanerminni suna unamminiarnarnerpaasoraajuk? [Pulaagaq akili.] Angajoqqaarpassuit Biibilip siunnersuutaat najoqqutarisarpaat. Assersuutigalugu, oqaatsit silatuut ukua angajoqqaat meeqqaminnut oqaaqqissaarutitut iluaqutigisarpaat. [Efesosimiut 4:31 atuaruk.] Atuagassiami ersersinniarneqarpoq Biibilip siunnersuutai angajoqqaat perorsaanerminni, naalungiarsuunermiit inuusuttunngornissaata tungaanut, qanoq iluaqutigisinnaaneraat.”