Saqqummiinermut siunnersuutit

Oktobarimi arfininngornermi siullermi Biibilimik atuaqqissaaqateqarneq qanoq aallartinneqarsinnaasoq

“Illit aamma inuuneq naappallaartutut isigaajuk? Isumaqarpit ullut ilaanni nappaatit peerneqarumaartut inuunerlu sivitsorluni? [Akissutaanut tusarnaarit]. Una maluginiariaruk.” Vagttårnet 1. oktobarimeersoq pulaakkamut tunniuguk quppernermilu 16-imi qulequtaaqqap siulliup ataaniittoq sammisiuk allassimaffillu ataaseq atuarlugu. Atuagassiat neqeroorutigikkit apeqqutillu tulliuttup oqaloqatigiissutiginissaanut pulaaqqinnissannik isumaqatigiissuteqarfigiuk.

Napasuliaq Alapernaarsuiffik 1. oktobari

“Nunarsuup ilaanni arnanut tunngatillugu assigiinngisitsisoqartarpoq. Ajoraluartumik upperisarsiorneq tamatumunnga pisooqataasimavoq. Illit Guuti arnanik isumassuisuusoraajuk? [Akissutaanut tusarnaarit]. Uiusut nuliaminnut qanoq pissusilersortarnissaannik Biibilimi qanoq ajoqersorneqartut maluginiaruk. [Efesosimiut 5:28, 29 atuaruk]. Biibili naapertorlugu Guuti arnanut qanoq isiginnittaaseqarnersoq atuagassiami uani sammineqarpoq.”

Vågn op! Oktobari

“Angajoqqaat amerlanerit meeqqamik ilinniagaqarnissaat kissaatigaat. Illit ullutsinni inuusuttut ilinniarfinni naammassillutik atuarunnaartartut inuunermi unamminiarnartunut piareersimasoraagit? [Akissutaanut tusarnaarit]. Ilisimasaqarnissaq ilisimassuseqarnissarlu Biibili naapertorlugu qanoq pingaaruteqartigisut uani maluginiaruk. [Oqaluussisartup oqaasii 7:12]. Meeqqat atuarfimmi qanoq angusaqarluarsinnaanersut atuagassiami uani atoriaannaasunik tallimanik siunnersuuteqarpoq.”