Qanoq isikkoqarpat?

Biibililersaarutinik tunisinerit tamaasa imminut taama aperissalluni pitsaassaaq. Biibililersaarutit peqissimasut, qalipaataarutilersut, ipillit imaluunniit alittornikut peqatigiiffitsinnik tusaamanerlutaalersinnaaput biibililersaarutillu imai kusanartut annannissamillu oqariartuuteqartut pulaakkamut paatsuugatitsisinnaallutik.

Biibililersaarutit kusarnartuunissaat qanoq isumagisinnaavarput? Amerlasuut taskiminnut assigiiaat ataatsimut iliorarlugit aaqqissuuttarpaat. Assersuutigalugu atuakkanut, atuagassianut atuagassiaaqqanut aammalu naqitaaqqanut allanullu immikkut inissaqartitsisarput. Biibilertik biibililersaarutitillu aserunnginniassammata tamatigut peqqissaartumik taskiminnut ileqqittarpaat. Oqaluussisartut ilaasa biibililersaarutitik mappemik imaluunniit plastikkimik qaamasumik pooqartittarpaat. Qanorluunniit iliortaraluarutta biibililersaarutinik aserorsimasunik tunigutsigu kiffartuutigisarput tusaamanerlunneqalersinnianngilarput. — 2 Kor 6:3.