Tunniussisarninni silatusaarit

Jiisusi ima ilinniartitsivoq: “Akeqanngitsumik tunineqarpusi, akeqanngitsumik tunisigitsi!” (Matt 10:8) Inuit Biibilimik Biibililersaarutitsinnilluunniit akeqanngimik tunisarnerisigut ilinniartitsissut paasiuminartoq tamanna malipparput. (2 Kor 2:17) Biibililersaarutilli tamakku Guutip oqaasianit sallusuissutinik erlinnangaartunik imaqarput. Biibililersaarutit naqiterneqarneri nunarsuarlu tamakkerlugu ilagiinnut nassiussorneri suliarujussuullutillu akisupput. Taamaattumik pisariaqartitavut kisiisa tigusassavavut.

Biibililersaarutit kimut tunniunnerlugit eqqumaffigisaruk, tamanut oqaluussinermiugaluarpalluunniit. (Matt 7:6) Saneqquttut tuniinnarnagit soqutiginninnersut paasiniarlugu oqaloqatiginiartakkit. Apeqqutit ungalusamiittut arlaat ataasiinnarluunniit angersinnaaviuk? Soqutiginninnersoq nalorniguit naqitaaqqamik tuniinnarnissaa pitsaanerussaaq. Soorunami atuagassiamik allamilluunniit Biibililersaarummik piumappat tunerusussavarput. – Uss 3:27, 28.