Naatsiiassat naajartussappata imerterneqartariaqarput
1. Naajartortoqassappat suna imerterneqartariaqarpa?
1 Naatsiiassat naatsiivimmiittut naajartussappata imerterneqartariaqarput. Taamatuttaaq ippoq, angalaarfigisartakkatsinni inuit sallusuissutip naatsiiassartaannik uummataannut ikkussiffigineqarsimasut. (1 Kor 3:6) Assersuutaasumik naatsiiassat sorlanillutillu naajartorlutillu naasunissappata pulaaqqiisariaqarpugut Guutillu oqaasia atorlugu imerteraluta.
2. Pulaaqqiinissamut qanoq tunngaviliisinnaavugut?
2 Aperigit: Soormi saqqummiussassamik piareersarninni apeqqummik soqutiginnilersitsisumik pulaaqqinnissannut akissassannik piareersaruit? Oqaloqatigiinnermi siullermi naggataatigut apeqquteqarit qaqugulu pulaaqqinnissannut ersarissumik isumaqatigiissuteqarfigalugu. Biibilimik qanoq atuaqqissaaqatiginnittoqartartoq takutinniarlugu amerlasuut atuagaq Biibilimi ajoqersuutigineqartut-mit arlaannik toqqaallutik iluaqutigisarpaat.
3. Allattuinermi paasissutissat suut ilanngunneqarsinnaappat?
3 Allattuigit: Pulaarninni siullermi aniniariarlutit allattuigit. Pulaakkavit aqqa, najugaqarfia aamma qanga qassinullu oqaloqatigisimanerlugu allakkit. Suna oqaluttuaraajuk? Allassimaffiit sorliit takutippigit? Sunik pajunniarlugu neriorsorpiuk? Aamma oqaloqatigiinnersi nanginniarlugu qaqugu pulaaqqiinissat taavalu apeqqut akiniarlugu neriorsuutigisat allakkit. Paasissutissat taamaattut kingornatigut piareersarluarsimalluni pulaaqqiinissamut naammassapput.
4. Soqutiginninneq ineriartorteqqinniarlugu sooq pinertusaassaagut?
4 Pinertusaarit: Saatanip ‘oqaaseq inuit uummataannut siaruarterneqarsimasoq’ peerniarlugu ilungersornermini tunniutiinnarneq ajorpoq. (Mark 4:14, 15) Taamaattumik, soqutiginnittoq angerlarsimaffiani naapikkuminaappat, tunniutiinnaqinak. Allaffigisinnaaviuk imaluunniit matumi allakkamik qimatsivigisinnaaviuk? Pionerip arnaq matumi atuaqqissaaqatigisalerpaa kingornali angerlarsimatillugu naapinneq ajuleramiuk allaffigaa. Kiisami qatanngutip arnap naapikkamiuk arnaq oqarpoq inuttut soqutiginninnermik ersersitsivigineqarnini killitsissutigisimallugu. Sallusuissutsip naatsiiassartaanik imerteritilluta naajartortut anersaakkullu inersimallualersut “30-riakkanik, 60-eriakkanik 100-riakkanillu” inerititaqalersut takullugit nuannaarutigissavavut. — Mark 4:20.