Apeqqutit Biibilimut tunngasut akigaangakkit nittartagarput atortaruk

Nittartakkatsinni jw.org-imi “BIBELENS LÆRE”-p ataani quppernerit ilaat ima qulequtaqarpoq: “SVAR PÅ BIBELSKE SPØRGSMÅL.” Apeqqutigineqakkajuttut tassaniittut ilisimalluarutsigit pulaagaq apeqqarissoq nittartakkatsinni Biibilimut tunngasunik akissutinut innersuussinnaassavarput. Apeqqutit taakku aamma oqaluussinermi oqaloqatigiissutissatut aallarniutigineqarsinnaapput. Angalaarfigisartakkatsinni inuit soqutiginartissinnaasaannik apeqquteqarsinnaallutalu pulaagaq qanoq isumaqarnersoq aperisinnaavarput taavalu jw.org-imi nassuiaatit atorlugit Biibilimi qanoq allassimasoqartoq nassuiarsinnaallugu. Taava nassuiaassinnaavarput paasissutissat qanoq nanisimanerlutigit. Aamma akissutaa nittartakkatsinniittoq atuaqqusinnaavarput. Nakkutilliisup angalasartup nulia USA-miittoq kinguneqarluartumik ima oqartarsimavoq: “Inuppassuit eqqarsaatigisarpaat naalliunnitsinnut Guuti pisuunersoq. 51 sekundit ingerlanerinnaanni akissutaa paaserusuppiuk?” Akissutaa angallattakkamut elektroniskiusumut aasimasani tusarnaartittarpaa. Atuakkami Biibilimi ajoqersuutigineqartut-mi kapitali 11 naggasiutigalugu takutittarpaa.