Atuagassiaaraq Ullumikkut kikkut Jehovap piumasaatut iliorpat? qanoq atorneqassasoq
Atuagassiaaraq nutaaq atuaqqissaaqatigisat peqatigiiffimmut siulersornissaannut siunertaasoq
1. Suut pingasut atuagassiaaqqami Ullumikkut kikkut Jehovap piumasaatut iliorpat?-mi siunertaappat?
1 Atuagassiaaraq nutaaq Ullumikkut kikkut Jehovap piumasaatut iliorpat? atulereerpiuk? Taassuma siunertaraa (1) inuiattut qanoq ittuussusitsinnik atuaqqissaaqatigisartakkat paasitinnissaat, (2) suliatsinnik ilisimasaqalernissaannik ikiornissaat aamma (3) peqatigiiffitta qanoq suleriaaseqarneranik ajoqersornissaat. Atuagassiaaqqami Ullumikkut kikkut Jehovap piumasaatut iliorpat?-mi ilinniagassat qupperneq ataasiinnarmiipput minutsit 5-10 missaanni naammassineqarsinnaasut.
2. Atuagassiaaqqap aaqqissuunneqarnera oqaluttuariuk.
2 Qanoq aaqqissuunneqarsimasoq: Atuagassiaaraq pingasunik immikkoortoqarpoq, tamarmik immikkut Jehovap peqatigiissortaanut tunngasut, qulaani taaneqareersut, sammillugit. Ilinniagassat 28-usut immikkut tamarmik qulequtaat apeqqutinngorlugit allanneqarsimapput qulequtaaqqallu ersarissakkat apeqqummut tassunga akissutaallutik. Nunarsuarmi nunani tamalaani sulisugut takuneqarsinnaaniassammat nunanit 50-init amerlanerusunit assit suminngaanneersuunerat allanneqarsimapput. Ilinniagassat ilaanni ungalusami “Iliuuserisinnaasatit”-mi atuaqqissaaqatigisartakkannut maleruaqqullugit kajumissaarutigisinnaasannik siunnersuuteqarpoq.
3. Atuagassiaaraq Ullumikkut kikkut Jehovap piumasaatut iliorpat? qanoq atorsinnaavarput?
3 Qanoq atorsinnaagit: Apeqqut ilinniagassap qulequtaaniittoq aallarniutigisiuk. Ilinniagassaq atuaqatigiissutigilerussiuk qulequtaaqqat ersarissakkat erseqqissartakkit. Naggataatigut uteqqiinermi apeqqutit quppernerup naqqaniittut sammisigit. Ilinniagassaq tamaat ataatsikkut imaluunniit immikkoortukkaarlugu sammillugulu atuarsinnaavasi. Allassimaffiit innersuussutigineqartut sorliit atuassanerlugit nalilersorsinnaavat. Assit aamma ungalusaq “Iliuuserisinnaasatit” samminissaat eqqaamallugit. Nalinginnaasumik ilinniagassat tulleriiaarlugit atuarneqartarput. Pisariaqartinneqarpalli ilinniagassaq soqutiginartitaq atuarneqarsinnaavoq. Assersuutigalugu ataatsimeersuarnissaq qanilliartortillugu ilinniagassaq 11 atuarsinnaavarsi.
4. Iluaqutissaq nutaaq sooq nuannaarutigaajuk?
4 Biibilimik atuaqqissaaqateqaraangatta Ataatatsinnik qilammiusumik ilisarsinissaanik ikiortarparput. Aammattaarli Jehovap peqatigiissortaanik ilinniartittariaqarparput. (Uss 6:20) Taamak piuminartigisumik ilinniartitsisinnaalersilluta iluaqutissatsinnik nutaamik pigisaqaleratta nuannaarutigaarput!