Kia soqutiginartissavaa?
1. Napasuliaq Alapernaarsuiffik imaluunniit Vågn op! atuaraangatsigu suna eqqarsaatigisassavarput, aamma sooq?
1 Napasuliaq Alapernaarsuiffik aamma Vågn op! nunarsuarmi inuit tamaasa eqqarsaatigalugit allataapput. Taamaattumik allaaserisani assigiinngitsorpassuit sammineqartarput. Atuagassiaq atuaraangatsigu allaaserisaq pingaartumik kimut tulluartuunersoq eqqarsaatigisassavarput, taavalu neqeroorutiginissaa anguniarlugu.
2. Atuagassiaatitsinni sammisat suut allanit soqutiginartinneqarsinnaappat?
2 Illit suleqatillu siornatigut oqaloqatigiissutigisimasassinnik Napasuliaq Alapernaarsuiffik allaaserisaqaqqammerpa? Ilaqutariit pillugit qanigisaasumut iluaqutaassinnaasumik allaaserisaqarpa? Nunamut Vågn op!-imi allaaserineqarsimasumi angalaniartumik nalunngisaqarpit? Illit najukkanni suliffeqarfinnut imaluunniit pisortanut atuagassiat ilaat soqutiginartinneqassava? Assersuutigalugu utoqqaanerusunut unamminiarnartut atuagassiami sammineqartut utoqqaat angerlarsimaffianni soqutiginartinneqarsinnaapput. Atuagassiaq pinerluttuliornermik sammisaqartoq immaqa eqqartuussivimmi soqutiginartinneqassaaq.
3. Atuagassiat imarisai aalajangersimasut kimit soqutigineqarsinnaaneranik eqqarsaatiginninnerup pingaaruteqassusia oqaluttuariuk.
3 Angusat: Atuagassiaq Vågn op! oktobari 2011-meersoq angajoqqaat meeqqatik akisussaassusermik qanoq ilinniartissinnaagaat pillugu allaaserisaqartoq pissarsiarereerlugu, Sydafrikami aappariit angalaarfigisartakkaminni atuarfiit 25-t sianerfigisimavaat. Atuarfiit 22-t atuartitaminnut agguaatassaminnik atuagassiamik pisimapput. Aappariit allat angalaarfigisartakkaminni atuarfinnut atuagassiaq taanna agguaanniarlugu assingusumik isumassarsisimapput. Atuarfiit ilaanni ilinniartitsisut atuartitsinerminni atuagassiaq atorniarlugu aalajangersimapput. Aappariit nakkutilliisumut angalasartumut misigisartik oqaluttuaraat. Taava taassuma angalanermini ilagiit kajumissaarpai angalaarfigisartakkaminni atuarfinnut saaffiginneqqullugit. Amerlasuut immikkoortortaqarfimmut saaffiginnissimapput atuagassiamik taassuminnga suli amerlanerusunik perusullutik allaat naqiterneqaqqittariaqarluni.
4. Sooq nunarsuaq tamakkerlugu atuagassiat agguaakkusuppavut?
4 Nunarsuarmi pisimasut qanoq isumaqarnersut atuagassiaatitsinni allaaserineqartarput Guutillu naalagaaffia Biibililu innersuussutigineqartarlutik. Nunarsuarmi kisiartaallutik ‘annassummik oqaluussissutiginnittuupput’. (Es 52:7) Taamaattumik nunarsuaq tamakkerlugu agguaanneqarnissaat kissaatigaarput. Tamanna anguniarlugu imminut aperisinnaavutit: ‘Kia soqutiginartissavaa?’