Oqaluussinermi allannguisinnaavit?
1. Silarsuup allanngorartuarnera pissutigalugu qanoq allannguisariaqartassaagut?
1 Silarsuaq allanngorartuarpoq. Taamaattumik ilaannikkut oqaluusseriaatsitsinnik, pilersaarutitsinnik aallarniutitsinnillu allannguisinnaasariaqarpugut. Illit allannguiumassavit?
2. Peqatigiiffik ingerlaqatigiumallugu sooq allannguisariaqartassaagut?
2 Oqaluusseriaatsit: Ilagiit kristumiut allannguiuartuupput. Jiisusip ajoqersukkani aallarteqqaaramigit aningaasanut qiterutermiulisaqqunagillu pooqattalisaqqunngilai. (Matt 10:9, 10) Kingusinnerusukkulli ajoqersukkat nunani allani oqaluussilernissaat malersugaalernissaallu ilimagigamiuk peqqussutini allanngortippaa. (Luk 22:36) 1900-kkunni Jehovap peqatigiissortaasa, taamani pisariaqartitat naapertorlugit, oqaluusseriaatsit assigiinngitsut — allagartat nalunaajaatit, radiokkut aallakaatitsinerit biilillu højtalerillit — atortarsimavaat. Ullumikkut sumi tamani inuit angerlarsimasarnerat akuttunerujartortillugu illumiit illumut oqaluussisarnitta saniatigut torrutiinnarlugu tamanullu oqaluussisarnissatsinnik kajumissaarneqarpugut. Inuit ullukkut sulisarmata unnulaalersumi illumiit illumut angalaartarnissatsinnik aamma kajumissaarneqarpugut. Jehovap qamutai qilammiittut sangugaangata illit sangoqatigisarpigit? — Ez 1:20, 21.
3. Oqaluussinermi aallarniutitsinnik allanngueriasaarsinnaassuserput qanoq iluaqutigisinnaavarput?
3 Aallarniutit: Inuit illit najukkanni ullumikkut suut ernumassutigaat? Aningaasaqarniarneq? Ilaquttat? Nakuuserneq? Oqaluussiffigisartakkatsinni ullumikkut ajornartorsiutaasut aamma pissutsit eqqumaffigigutsigit aallarniut tulluartoq piareersarsinnaavarput. (1 Kor 9:20-23) Pulaakkatta tamakku oqaaseqarfigippagit, pisarnitsitut aallarniuterput oqaatigiinnarnagu, allannguisinnaagutta pulaakkattalu ernumassutigisaa oqaaseqarfigalugu ajunnginnerpaajussaaq.
4. Sooq allanngueriasaarsinnaasariaqarpugut?
4 Silarsuaq allanngortinneqangajalerpoq, taava annikilliornartussarsuaq aallartissaaq. “Piffissaq sivikilleqaaq.” (1 Kor 7:29) Piffissami sivikitsumi sapinngisamik angusaqarluassagutta nangaanata allanngueriasaarsinnaanerput pingaaruteqarpoq.