Oqaluussinermi pikkorinnerulerit — Inuttut soqutiginninnikkut

Sooq pingaaruteqartoq. Jiisusip inuit ataasiakkaat immikkut maluginiartarpai soqutiginninninilu asannilluni taakkununnga ersersittarlugu. Assersuutigalugu pisumi ataatsimi Jiisusip angut tusilartoq ajukkuttoq maluginiarpaa, ajorunnaarsinnialeramiullu kisimeeqatigalugu, inunnit alapernaatsunit nigortillugu, ajorunnaarsippaa. (Mark 7:31-35) Ajoqersukkami pisinnaasaasa killeqarnerat aamma eqqumaffigaa amerlavallaanik paasissutissinnaveersaartarnerisigut. (Joh 16:12) Aamma allaat qilammiit inuit soqutigai. (2 Tim 4:17) Uagut Kristusimut ajoqersugaagatta taanna ilaarusupparput. (1 Petr 2:21; 1 Joh 3:16, 18) Taamatuttaaq uagut pulaakkatta inuttut atugai, soqutigisai ernumassutaalu eqqarsaatigisarutsigit oqaluussinerput sunniuteqarluarnerussaaq. Oqaluussiffiginiaannarlugu imaluunniit atuagassianik tuniniaannarlugu agginngitsugut malugiguniuk inuttulli soqutigigitsinni tusarnaarumanerussagunarpoq.