Soqutiginninneq ineriartortikkasuaruk

Nittartagarput nutaaq aallartimmalli Biibilimik atuaqqissaaqatigineqarusullutik nalunaarsimasut amerleriarujussuarsimapput. Taamatuttaaq tamanut oqaluussinermik aaqqissuussaq nutaaq pissutigalugu atuaqqissaaqatigineqarusuttunik saaffiginnittorpassuaqarsimavoq. Saaffiginnissutit sukkanerpaamik immikkoortortaqarfimmi suliarineqartarput. Assersuutigalugu immersugassaq jw.org-ikkut immersorneqarsimagaangat utoqqaanertat soqutiginnittup najugaqarfigisaaniittut ullut marluk ingerlaneranni immikkoortortaqarfimmiit nalunaarfigineqartarput. Paasinarsivorli sumiiffiit ilaanni aatsaat sapaatit-akunneri arlallit qaangiukkaangata atuaqqissaaqatigineqarusuttut saaffigineqartarsimasut. Soqutiginnikkunnaariaannaammata qanoq ililluta saaffiginasuarsinnaavavut? — Mark 4:14, 15.

Soqutiginnittumik oqaluussiffigisanni najugaqanngitsumik naapitsiguit immersugassaq Besøg venligst (S-43) piaartumik immersoriarlugu kingusinnerpaamik ataatsimiinnermi siullermi ilagiinni allatsimut tunniuguk. Allatsip ullup ataatsip marlulluunniit ingerlaneranni najugaqarfigisaani ilagiinnut imaluunniit jw.org-ikkut quppigassaq “Menighed” aqqutigalugu immikkoortortaqarfimmut ingerlateqqissavaa. Utoqqaanertat nittartagaq alakkakulasariaqarpaat. Ilagiit angalaarfigisartagaanni soqutiginnittoqarneranik utoqqaanertat paasitinneqarunik paasissutissat iliuuseqarfigipallattariaqarpaat. Oqaluussisartup soqutiginnittumut orniguteqquneqaruni tamanna pingaarnerpaatitaminut ilaatittariaqarpaa. Soqutiginnittoq angerlarsimanngippat atinnik oqarasuaativillu normuanik qimatsivigisinnaavat.