Oqaluussininni jw.org atoruk

Nittartagarput atortorissaarutaavoq nalissaqanngitsoq nutaarsiassamik nuannersumik ‘nunarsuup isua tikillugu allaat’ siaruarterinitsinnut iluaqutigilluarsinnaasarput. (ApS 1:8) Pulaarfigisatta amerlanerit nammineerlutik jw.org nanisinnaanngilaat aatsaalli oqaluussisartumit ajoqersuunneqarnermikkut paasissagunarlugu.

Nakkutilliisup angalasartup isiginnaagassiaq Sooq Biibilimik atuaqqissaartariaqarpit? mobiliminut immiussimavaa periarfissallu tamaasa inunnut takutittarlugu. Assersuutigalugu illumiit illumut angalaaraangami oqartarpoq: “Kasuttorpunga apeqqutit pingaarutillit pingasut ukua akissutissarsinissaannut inuit ikiorumallugit: Sooq silarsuarmi ajornartorsiutit taama amerlatigaat? Guuti qanoq aaqqiissuteqarniarpa? Utaqqinitsinni qanoq naammagalugit atorsinnaavavut? Apeqqutit taakku isiginnaagassiaaqqami uani akineqarput.” Isiginnaagassiaq aallartittarpaa pulaagarlu qanoq qisuariassanersoq alapernaattarlugu. Isiginnaagassiaq taanna ima tiguartinnartigaaq inuit amerlanerit aallaqqaataaniit naanissaata tungaanut alassanagu isiginnaartarlugu. Taava nakkutilliisoq angalasartoq ima oqartarpoq: “Tusaavat Biibilimik atuaqqissaaqatigineqarnissannik nittartakkakkut immersuillutit qinnuteqarsinnaasutit. Maaniinnera iluatsillugu qanoq atuaqqissaaqatigiittoqartarnersoq takutissinnaavara.” Pulaagaq akuersigaangat quppersagaq Tusagassat nuannersut Guutimeersut! atorlugu takutittarpaa. Pulaagaq piffissaqanngikkaangat pulaaqqinnissaanik isumaqatiginiartarpaa. Unillatsiarnermini kaffisoriartarfimmi eqqaminiittoq inussiarnersumik nalinginnaasunik eqqartueqatigereeraangamiuk assingusumik oqaaseqartarpoq. Illit oqaluussininni jw.org atortarpiuk?