1914 pillugu upperisarput nassuiaruk

Upperisarput ‘illersorsinnaaqqullugu piareersimajuarnissatsinnut’ Biibilimi kajumissaarneqarpugut, ‘taamaaliortassaagulli qanilaarluta mianerinnittuullutalu.’ (1 Petr. 3:15, 16) Biibilimili sallusuissutit itisuut nassuiassallugit, assersuutigalugu qanoq ililluta nalunngikkipput 1914-imi naalagaaffik aqutsilersoq, sapernartissinnaavarput. Tamatumunnga iluaqutissatut allaaserisat marluk ima qulequtallit: “Eqqaamiumik oqaloqateqarneq — Guutip naalagaaffia qanga naalakkersuilerpa?” saqqummersinneqarsimapput. Allaaserisat taakku atuagassiani Napasuliaq Alapernaarsuiffik-mi 2014-imi novembari-decembarimoortumi aamma 2015-imi januaari-februaarimoortumi saqqummersinneqassapput. Allaaserisat atuartillugit Kristiaap, oqaluussisartup allaaserisani eqqaaneqartup, nassuiaariaasianut tunngatillugu apeqqutit tulliuttut eqqarsaatigikkit.

Qanoq ililluni ...

• isumaqatigiissutissamik tunngavissarsiornermi nersualaariva? — ApS 17:22.

• maniguulluni upperisaminik nassuiaava? — ApS 14:15.

Sooq pitsaava ...

• oqaluuserisassanut allanut ingerlaqqinnginnermini uteqqiisarnera?

• oqaluuserisaminnik pulaakkani paasinnissimanersoq aperillattaartarnera?

• pulaarnermi ataatsimi annikitsuinnarnik sammisaqarnera? — Joh 16:12.

Jehovap ‘ajoqersortitta ilitsersortittalu’ Biibilimi sallusuissutinik itisuunik tuppallersarneqarusuttunut qanoq nassuiaassisassanersugut ikiortarmatigut nuannaarutigingaarparput! — Es 30:20.