Oqaluussinermi pikkorinnerulerit — Kamattoqarpat isumatusaarnikkut

Sooq tamanna pingaaruteqartoq. Oqaluussinitsinni inussiarnersorpassuarnik naapitaqartarpugut. Taamaakkaluartorli Jiisusip siulittuutigaa inuit ilaasa uumissussagaatigut. (Joh 17:14) Taamaattumik pulaakkamik kamattumik naapitsigaangatta tupaallaatigineq ajorparput. Taamaattoqartillugu aallartitsisitsinnut, Jehovamut, ataqqinaataasumik qisuariarusuttarpugut. (Rom 12:17-21; 1 Petr 3:15, 16) Taamaaliorutta pisimasup ajornerulersinnaanera pinngitsoortissinnaavarput. Tamanna pulaakkamut allanullu isigisunut nalunaajaataasinnaavoq tullissaanillu Jehovap Nalunaajaasuinit pulaarneqarunik tusarnaarumanerussagunarlutik. — 2 Kor 6:3.