Eqqaaniaalluni nalliuttorsiornissamut qaaqqusilluni suliniarneq marsip 17-ianniit aallartissaaq
1. Suliniarneq suna marsip 17-ianniit aallartinneqassava?
1 Ukiut tamaasa eqqaaniaalluni nalliuttorsiornermi Jiisusip toqua oqaluussisutigineqartarpoq. (1 Kor 11:26) Taamaattumik, allat ilagaluta, Jehovap pilliutitut tunissutaa pillugu oqalugiaatip tusarnaariarnissaa kissaatigaarput. (Joh 3:16) Ukioq manna eqqaaniaalluni nalliuttorsiornissamut qaaqqusilluta suliniarnerput arfininngornermi marsip 17-ianniit aallartissaaq. Tamakkiisumik suleqataanissannut qilanaarpit?
2. Qaaqqusissummut qanoq oqartoqarsinnaava?
2 Qanoq oqartoqarsinnaasoq: Ajunnginnerussaaq naatsumik saqqummiigaanni. Oqarsinnaavugut: “Haluu. Ullormut pingaarutilimmut illit ilaquttatillu qaaqqujumallusi kasuttorpugut. Ukiumoortumik nalliuttorsiorneq silarsuaq tamakkerlugu apriilip 5-ianni pissaaq. Biibili tunngavigalugu akeqanngitsumik Jiisusip toquata sunniutai maannakkullu sulerinera pillugit oqalugiartoqassaaq. Illoqarfimmi maani sumi qaqugulu tamanna pissanersoq qaaqqusissummi takuneqarsinnaavoq.” Sapaatip akunnerata naanerani qaaqqusissutinik agguaanermut tulluarpat, atuagassiat ilanngullugit neqeroorutigineqarsinnaapput.
3. Qanoq iliorluta inuit sapinngisamik amerlasuut qaaqqusinnaavavut?
3 Sapinngisamik amerlasuut qaaqquneqarlit: Sapinngisamik amerlasuut qaaqqunissaat anguniagarissavarput. Biibilimik atuaqqissaaqatigisartakkatit, pulaaqqittakkatit, ilaquttatit, suleqatitit, atuaqatitit, sanilitit allallu ilisarisimasatit qaaqqunissaat qulakkeeruk. Angalaarfigisartakkat qanoq ilillutik anguneqassanersut ilagiinni utoqqaanertat nalunaarutigissavaat. Ukiumoortumik eqqaaniaalluta nalliuttorsiornermi qaaqqusilluta suliniuteqarnitsinni nuannersunik angusaqartarpugut. Siorna eqqaaniaalluni nalliuttorsiorfiusumut arnaq isermat, qatanngutip nakkutilliisup oqaluussisartoq arnamik qaaqqusisoq ujarniaraluarpaa. Arnarli ilisarisimasaqarani oqarpoq, ullormili tassani siusinnerusukkut angalaartumit qaaqqusissut tunisissimalluni.
4. Suliniarnermut ilungersorluni peqataanissamut sunik pissutissaqarpa?
4 Immaqa qaaqqusissummik tunisimasat eqqaaniaalluni nalliuttorsiornermi najuutissaaq. Taamaattoqassappat taamaattoqassanngikkaluarpalluunniit, eqiasuillutit suliniarnerit nalunaajaataalluassaaq. Qaaqqusissutip agguaassavit oqariartuutigissavaa Jiisusi maanna kunngiusoq pissaanilik. Ilungersorlutit suliniarnerit isiginnittunut tamanut — angalaarfigisannut, angalaaqatinnut pingaarnerusumillu Jehovamut ersersissavat — utertitsissummik tunissut pingaartingaarit. — Kol 3:15.