Videofilmit nalunaajaasut
1 „Ernitta suli pisussinnaanani videofilmi taanna isiginnaartalerpaa. Takusaqattaartarpaa. Meeqqat Jehovamut asannilernissaannut iluaqutaasunik atortorissaaruteqarneq nuanneqaaq.“ filmiuna sorleq qatanngutip arnap kristumiup eqqartoraa? Filmi Noa vandrede med Gud. Nukappiaqqap Noa pillugu filmiliamik kammalaatimini isiginnaarsimasup anaanaa Jehovamut Nalunaajaasuunngitsoq immikkoortortaqarfimmut 750 koruunit missaanik tunissuteqarpoq aperalunilu allanik meeqqanut videofilmiuteqannginnersut. Jehovap Nalunaajaasuisa videofilmiliaat inuusuttunut utoqqarnullu sunniuteqartaqaat.
2 Ilaqutariinni: anaanaq Filmi Jehovas Vidner står fast trods nazismens terror, ilaqutariinnut qanoq sunniuteqarsimanera pillugu oqaluttuarpoq: „Filmip eqqarsaatiginnilersippaanga Jehovap qanoq ililluni inuit nalinginnaasut atukkaminnik ajornerpaanik atugaqarnissaannut qasusuissuseqalersittarai. Uanga nammineq ajornartorsiutikka qanoq soqutaarpianngitsigisut takusinnaalerpara. Videofilmimik isiginnaaqatigereeratsigit Jehovamut tatiginninnissap qanoq pingaaruteqartiginera meeqqatta paasisinnaanerulerpaat. Videofilmi takoreerlugu oqaloqatigiissutiginerata panivut tatineqarnissamut malersugaalernissamullu piareersimanerulersippaat“.
3 Atuarfimmi: oqaluussisartup inuusuttup atuarfimmi suliaminut tunngatillugu videofilmimiit Jehovas Vidner står fast trods nazismens terror-imit takutitaqallatsiarsimavoq. Ilinniartitsisup Jehovap Nalunaajaasui nuannarinnginnerarlugit siusinnerusukkut oqaatigisimavaa. Videofilmi takoreerlugu oqarpoq: „Jehovap Nalunaajaasuinut isiginnittaasera allanngortilluinnarpaa. Neriorsuivunga tulliani pulaarpannga tusarnaarlugillu eqqartugai misissussallugit.“ Suumuna uagutsinnut isiginnittaasia allanngortilluinnaraa? Oqarneratut qatanngutitta „asanninnerisa ilumoortup ilumuussusiisalu“.
4 Oqaluussinermi: Qatanngutip arnap arnaq, naak Jehovap Nalunaajaasui upperisaallu pillugit apeqqutissarpassuaqaraluarluni, atuagassiaatitsinnik piumanngitsoq naapippaa. Qatanngut arnaq uteqqippoq videofilmilu Jehovas Vidner og deres organisation arnamut uianullu takutillugu. Taakkununnga sunniuteqaqaaq, Biibilimillu atuaqqissaaqatigineqarnissamik neqeroorfigineqarnertik akueraat. Nalunaajaalluarsimanerup kingorna inuunertik Guutip piumasaanut naapertuuttunngorsalerpaat.
5 Videofilmiutivut iluaqutaanerpaasussanngorlugit atortarpigit?