4 | Biibili atoriaannaasunik siunnersuuteqarpoq

Qanoq paasisariaqartoq

Biibili nakorsaariaatsinut najoqqutas­siaanngik­kaluartoq atoriaan­naasunik iluaqutigisin­naasatsinnillu siunnersuuteqarpoq. Inuit eqqarsar­taatsikkut peqqiil­liortut siunnersuutit tamakku iluaqutigisin­naavaat. Assersuuteqariarta.

Iluaqutaasinnaasut

“Peqqissut pinnatik napparsimasulli nakorsamik pisariaqar­titsipput.” – MATIUSI 9:12.

Nakorsar­tinnissarput pisariaqarsinnaasoq Biibilimi ersersin­neqarpoq. Inuppassuit eqqarsar­taatsikkut nappaatillit nappaatertik pillugu paasisimasaqar­nerunertik nakorsiar­nertillu iluaqutigisimavaat.

‘Timersorneq iluaqutaalaartarpoq.’ – TIMUUTIUSIMUT 1. 4:8, quppernerup ataani ilanngussaq.

Timikkut peqqissuuniarneq eqqarsar­taatsikkut peqqissuunermut iluaqutaasinnaavoq. Taamatut peqqissuuniaraanni timersorneq peqqinnar­tunillu nerisarneq sinilluar­tarnerlu pisariaqarput.

“Uummatikkut nuannaarneq peqqinnartuuvoq, nikallunganerulli saarngit isseerutitittarpai.” – USSATIT 17:22.

Biibilimi qiimmaal­lannartunik atuartarneq aamma naammas­sisinnaasannik anguniagaqarneq iluaqutigisin­naavatit. Isumalluartuuneq neriuuteqarnerlu eqqarsar­taatsikkut nappaatit naammagalugu atornissaanut iluaqutigis­savatit.

‘Qanilaartut [anneruniajuitsut, New World Translation] ilisimassuseq pigaat.’ – USSATIT 11:2.

Suna tamaat nammineerlutit suliarisin­naannginnakku ikiorneqar­tariaqarnerit nassuerutigalugu ikiortis­sarsiortarit. Ilimanarpoq ikinngutitit ilaquttatillu ikiuukkusussasut, qanorli iliussanerlutik immaqa naluaat. Qanoq ikiorneqarsin­naaninnik sunalu ilinnut iluaqutaas­sanersoq ilisimatikkit. Sunik tamanik ikiorneqarnissat naatsorsuutigis­sanngilat, ikiorneqaraangavillu qujamasuttarit.

Biibilimi siunnersuutit atoriaannaasut napparsimasut qanoq iluaqutigisimagaat

“Imminut ippigigama nakorsiarpunga, ilisimatip­paangalu nappaateqartunga. Taamaattumik sooq taamatut misigisar­nerlunga paasilerpara, nakorsaariaatsillu suut peqqinneruler­nissannut iluaqutaasinnaasut ilikkarpakka.” – Nicole,a bipolarimik nappaatilik.

“Nuliaralu ullut tamaasa Biibilimik atuartarneq ullormut nuannersunik eqqarsaateqar­nissamut iluaqutigisarpara. Ajorluin­naraangama atuarninni allassimaffinnik tuppallersaatigisin­naasannik nassaar­tarpunga.” – Peter, isumatsaq­qarujus­suarnermik nappaatilik.

“Nappaateqarnera kanngusuutigigakku allanut oqaluttuarinissaa sapernar­tittarpara. Ikinngutigil­luakkamali paasillungalu misigeqatigisarpaanga. Ajunngin­nerusumik misiginissannik kisimiit­tutullu misigin­nginnissannik ikiortarpaanga.” – Ji-yoo, nappaatini pissutigalugu nererujus­suartartoq.

“Oqimaaqatigiis­saarinissannut, sulival­laanngin­nissannut qasuersaar­tarnissannullu Biibili iluaqutigisarpara. Siunnersuutitsialaat Biibilimeersut misigis­sutsikkut nanertisimagaangama iluaqutigisarpakka.” – Timothy, OCD-mik nappaatilik.