MISISSUINISSAMUT SIUNNERSUUTIT
Assit atorluartakkit
Biibililersaarutigut assinik pingaarutilinnik ilinniagassartalinnik ulikkaarput. Taakku qanoq iluaqutigilluarsinnaavigit?
Allaaserisap atuannginnerani assitai qimerloortakkit. Soorlu mamarunartunik takugaangavit nererusulertartutit, taamatuttaaq assit qimerlooqqaartarukkit alapernaalerlutit allaaserisaq atuarusunnerulissavat. Taamaattumik allaaserisap atuannginnerani imminut aperigit: ‘Assini sunik takusaqarpunga?’ – Am 7:7, 8.
Allaaserisaq atuartillugu eqqarsaatigiuk sooq taama assitaqarnersoq. Oqaasertalerneqarsimappata malugisassalluunniit allaatigineqarsimappata taakku atuakkit. Eqqarsaatigiuk assit allaaserineqartumut qanoq attuumassuteqarnersut ilinniagassartaallu illit inuuninni qanoq atorsinnaaneritit.
Allaaserisaq atuareerlugu assitai qimerlooqqikkit taakkulu atorlugit pingaarnernik uteqqiillutit. Taava sequnngerlutit assit ilinniagassartaallu eqqaamaniarsarikkit.
Misilissaviuk? Atuagassiami matumani assit qimerlooqqikkit ilinniagassartaallu eqqaamaniarsaralugit.