Jehovap Nalunaajaasuinit Biibilimik atuaqqissaaqatigineqaruma ilanngunnissara naatsorsuutigineqassava?
Naamik, taama piumaffigineqarnavianngilatit. Inuit millionillit Jehovamik Nalunaajaasunngunngikkaluarlutik atuaqqissaaqatigineqarusuttarput.a Atuaqqissaarnermi siunertarineqartarpoq Biibilimi ajoqersuutigineqartunik ilisimatitsinissaq. Ilisimalikkatit qanoq atorniarnerlugit illit nammineq aalajangissavat. Nalunngilarput inuit suna upperisarissanerlugu namminneq aalajangertussaagaat. – Josva 24:15.
Nammineq Biibilera atuaqqissaarnermut atorsinnaavara?
Ilaana. Uagut Biibilimik nutsigaq Biibili – Nunarsuup nutaanngornissaanik nutsigaq atortarparput, illillu perusukkukku akeqanngitsumik tunerusuppatsigit, illilli nammineq Biibilit atorusukkukku nuannaarutigiinnassavarput. Biibilip neriuummik annassummillu oqariartuutaanik nutsikkani tamangajanni ilikkagaqarsinnaavutit.
Sooq inuit uppeqatiginngisasi atuaqqissaaqatiginiartarpisigit?
Jehovamik Guutimik asanninnerput kajumississutaanerpaavoq, taassumalu ilikkakkatsinnik allanut ingerlatitseqqinnissarput kissaatigaa. (Matthæusi 22:37, 38; 28:19, 20) Guutip oqaasia pillugu inunnik allanik ilinniartitsinitsigut ‘Guutimik suleqataanerput’ immikkut pisinnaatitaaffittut annerpaatut isigaarput. – 1 Korinthimiut 3:6-9.
Aamma inoqatitsinnik asanninneq kajumississutigaarput. (Matthæusi 22:39) Ilikkakkatsinnik nuanningaartunik allanut ingerlatitseqqissinnaanerput nuannaarutigeqaarput. – Apustilit Suliaat 20:35.
a 2023-imi qaammammut 7.281.212 Biibilimik atuaqqissaartarput, taakkualu ilaanni inuit arlallit ataatsikkut peqataasarput. Taamaallaalli inuit 269.517 ukioq taanna Jehovap Nalunaajaasuisa ilaattut kuisipput.