Internetikkut assinik ikkussisarneq pillugu suut ilisimasariaqarpakka?

Feeriar­nin­ni as­sut nuan­nisar­putit, ikin­ngutitil­lu pisunik tamanik oqalut­tuuk­kusup­patit! Qanorli taamaalius­savit?

1. Postkor­timik tamaasa nas­sis­savigit?

2. Ikin­ngutitit tamaasa e-mailik­kut al­laf­figis­savigit?

3. Inter­netik­kut as­sinik ik­kus­sis­savit?

Aatak­kutit ilit­tut ukioqaral­laramik im­maqa taamaal­laat “A” periarfis­saavoq.

Angajoq­qaatit ilit­tut ukioqaral­laramik im­maqa “B” periarfis­saavoq.

Ul­lumik­kut inuusut­tor­pas­suit inter­netik­kut as­sinik ik­kus­suisin­naatitaasut periarfis­saq “C” toq­qarusun­nerus­savaat. Il­lim­mi? Taamaap­pat al­laaserisaq una mianersorfis­sanik avaq­qutaarinis­samut iluaqutigis­savat.

• Sunik iluaqutissartaqarpa?

• Sunik navianaateqarpa?

• Qanoq iliorsinnaasutit

• Inuusuttoqativit isumaat

Sunik iluaqutissartaqarpa?

Ingerlaannaq assit takuneqarsinnaapput. “Angalatil­lunga nuan­nisaruma ikin­ngutik­kaluun­niit nuan­nisaqatigiguk­kit suli nuan­nisar­til­lunga as­sinik ik­kus­sisin­naavunga.” – Melanie.

Pisariunngilaq. “Inter­netik­kut as­sinik ik­kus­suisarfik­kut as­sinik isigin­naar­neq e-mailik­kut ikin­ngutima misigisaat pil­lugit atuar­nermit ajor­nan­ngin­nerujus­suuvoq.” – Jordan.

Attaveqartuarnermut iluaqutaavoq. “Ikin­ngutik­ka ilaqut­tak­kalu ilaat ungasis­sumi najugaqar­put. As­sinik ik­kus­suil­lat­taar­tarunik ik­kus­saal­lu takul­lat­taar­taruk­kit al­laaneq ajor­poq inut­tai ul­lut tamaasa naapit­tarlugit!” – Karen.

Sunik navianaateqarpa?

Aarlerinartorsiulersinnaavutit. As­siliivip­pit sumiin­nerit takutis­sin­naap­pagu siuner­tarisan­nit an­nerusumik ilin­nut tun­ngasunik paasis­sutis­siisin­naavutit. “As­sinik ik­kus­suiviit nit­tar­tak­kak­kul­lu al­laqatigiit­tarfiit inuit sumiin­nersut takusin­naap­pas­suk kik­kul­luun­niit ajor­tumik siuner­tal­lit software atorlugu inuit ataasiak­kaat sumiin­nersut paasisin­naavaat”, taama nit­tar­tagaq Digital Trends nalunaaruteqar­poq.

Soorunami pinerlut­tut ilaasa sumiinnginnersutit soqutiginerusar­paat. Digital Trends-ip nalunaarusiaasa ilaan­ni al­las­simavoq til­lin­niat pingasut angerlarsimaf­fin­nut inoqan­ngitsunut 18-inut til­lin­niarsimasut. Qanoq nalun­ngin­namik­ku angerlarsimasoqan­ngitsoq? Ineqar­tut sumiin­nerat – periaaseq cybercasing-imik taaneqar­tar­toq atorlugu – inter­netik­kut malin­naavigaat, taamaalil­lutil­lu 100.000 dol­larit sin­nerlugit iluanaarlutik.

Takussunartunik siumuisinnaavutit. Inuit ilaat kik­kut tamarmik takusas­saan­nik ik­kus­suinermin­ni kan­ngusuutis­saqar­neq ajor­put. Inuusut­tuaraq Sarah ima oqar­poq: “Inuit nalusavit profiliisa isigin­naar­nerat navianar­toqar­tar­poq. Tamatuma il­loqarfim­mi nalusan­ni il­loqarfiup as­singa nas­sar­nagu pisun­nerup as­sigaa. Sumiif­fim­mut tikik­kusun­ngisan­nut periaan­naavutit.”

Piffissaq ingerlapallattarpoq. Ar­naq inuusut­toq Yolanda ima oqar­poq: “Ik­kus­sat nutaaner­paat al­lal­lu oqaaseqaataat atuas­sal­lugit tiguar­tin­nar­poq. Al­laat suut nutaarsias­saanersut takuniaan­narlugit periarfis­sat tamaasa mobili tiguneqaqat­taaler­neqarsin­naasar­poq.”

Inuusut­tuaraq Samantha isumaqataal­luni ima oqar­poq: “Aalajanger­tariaqaler­punga nit­tar­tak­kanut taamaat­tunut pif­fis­saq ator­tagara kil­liler­niarlugu. As­sinik ik­kus­suisarfin­ni profileqas­saguit im­minut naalak­kersin­naasariaqar­putit.”

Qanoq iliorsinnaasutit

• Kan­ngunar­tunik isigin­naan­ngin­nis­sat aalajangiusimajuk. Biibilimi ima al­las­simavoq: “Iluan­ngitsuliungaar­nermik takusaqaruman­ngilanga.” – Tus­siaat 101:3.

  “Malittarisama ikkuttagaat akuttunngitsumik misissortarpakka, misigigaangamalu naleqqutinngitsunik ikkussisartut malittariunnaartarpakka.” – Steven.

• Inuit ilit­tul­li naleqar­titaqan­ngitsut ilin­nik ileq­qorlut­tun­ngor­titsisin­naam­mata at­taveqarfiginaveersaak­kit. Biibilimi ima al­las­simavoq: “Tam­mar­naveeritsi! Ikin­ngutipalaaqar­neq ileq­qorik­kaluar­tunut aseruutis­siisar­poq.” – 1 Korinthimiut 15:33.

  “Nittartakkani assit nuannarineqarnerat pissutigiinnarlugu isiginnaarnaveersaartakkit. Amerlanertigut tamakkunani Guutimik mitaatiginnittut, mattaangasut allallu ingasattajaartut takuneqarsinnaasarput.” – Jessica.

• Qanoq sivisutigisumik inter­neter­niarlutit qanorlu akulikitsigisumik as­sinik ik­kus­sisar­niarlutit aalajangeruk. Biibilimi ima al­las­simavoq: “Sianiginiarsiuk qanoq inuunersusi, siuneqan­ngitsutut pin­nasi, siuneqar­tutul­li iliorlusi. Pif­fis­saq­qis­soq ator­niarsiuk.” – Efesosimiut 5:15, 16.

  “Assinik ikkussuivallaartartut malittariunnaartarpakka. Assersuutigalugu inuit ilaat sissamukartarput qalipaallu ataatsip assinga 20-riarlugu ikkuttarlugu. Qaa! Assit taamaattut isiginnaassallugit piffissartornarpallaarpoq!” – Rebekah.

• Qulak­keeruk as­sit ilinnuinnaq tun­ngar­pasin­ngin­nis­saat. Biibilimik al­laqataasoq Paulusi ima al­lap­poq: “Tamas­si im­mik­kut ima oqarfiginiar­pas­si: Im­mis­sin­nik pingaar­teqinasi pisariaqar­tumit an­nerusumik.” (Romamiut 12:3) Naatsorsuutigis­san­ngilat ikin­ngutivit ilin­nik sam­misan­nil­lu as­sit tiguar­tis­sutigis­sagaat.

  “Inuit ilaat imminut assileqattaariarlutik asserpassuarnik ikkussisarput. Ikinngutigiikkatta nalunngilara qanoq isikkoqartutit – qanoq isikkoqarninnik eqqaasinneqaqattaartariaqanngilanga!” – Allison.